രണ്ട്​ പൈലറ്റുമാരും അഞ്ച്​ ഒ.എന്‍.ജി.സി ജീവനക്കാരുമായി പോയ ഹെലിക്കോപ്​റ്റര്‍ മുംബൈ തീരത്ത്​ തകര്‍ന്ന്​ വീണ്​ നാല്​​ മരണം. ഉള്‍കടലില്‍ നിന്നും ഹെലികോപ്​റ്ററി​​​​​​​​​​ന്റെ അവശിഷ്​ടങ്ങള്‍ ലഭിച്ചു​. ​ഗുജറാത്ത്​ അതിര്‍ത്തിക്കടുത്താണ്​ കോപ്​റ്റര്‍ തകര്‍ന്ന്​ വീണത്​. ​കോസ്​റ്റ്​ ഗാര്‍ഡ്​ നടത്തിയ തിരച്ചിലിൽ മൂന്ന്​ മൃതദേഹങ്ങള്‍ കണ്ടെത്തി എന്നാൽ മരിച്ചവരെ തിരിച്ചറിഞ്ഞിട്ടില്ല.

അതെ സമയം കോപ്റ്ററില്‍ ഉണ്ടായിരുന്ന ഒ.എന്‍.ജി.സി ജീവനക്കാരില്‍ രണ്ട്​ പേര്‍ മലയാളികളാണെന്നാണ്​ സൂചന​. കോതമംഗലം സ്വദേശി ആന്‍റണി ജോസ്​, വി.കെ ബാബു എന്നിവരാണ്​ മലയാളികളായ ജീവനക്കാര്‍​.​​

യാത്രക്കിടെ ഹെലികോപ്​റ്ററിന്​ എയര്‍ ട്രാഫിക്​ കണ്‍ട്രോളുമായുള്ള ബന്ധം നഷ്​ടപ്പെടുകയായിരുന്നു. ഏഴ് വര്‍ഷം പഴക്കമുള്ള പവന്‍ ഹാന്‍സ്​ കോപ്​റ്റര്‍ 10.20ന്​ ജുഹുവില്‍ നിന്നാണ്​ യാത്ര ആരംഭിച്ചത്​. മുംബൈയില്‍ നിന്ന്​ 30 നോട്ടിക്കല്‍ മൈല്‍ അകലെ വരെ ഹെലികോപ്​റ്ററുമായി ബന്ധം ഉണ്ടായിരുന്നു. 10.35ഒാടെയാണ്​ ഹെലികോപ്​റ്ററുമായുള്ള ആശയവിനിമയം നഷ്​ടമായത്​.

10.58 ന്​ ഒ.എന്‍.ജി.സിയുടെ നോര്‍ത്ത്​ ഫീല്‍ഡില്‍ ഇറങ്ങേണ്ടതായിരുന്നു. കോപ്​റ്റര്‍ സമയത്ത്​ ലാന്‍റ്​ ചെയ്യാതാവുകയും 10:35 ന്​ ശേഷം ക​ണ്‍ട്രോള്‍ റൂമുമായി ബന്ധം വിഛേദിക്കപ്പെടുകയും ചെയ്​തതോടെ തിരച്ചില്‍ ആരംഭിക്കുകയായിരുന്നു.