ഹെ​ലി​കോ​പ്ട​ര്‍ ത​ക​ര്‍ന്നു​വീ​ണ് ര​ണ്ട് മ​ല​യാ​ളി​ക​ള്‍ ഉ​ള്‍​പ്പെ​ടെ അ​ഞ്ചു പേ​ര്‍ മ​രി​ച്ച സംഭവത്തില്‍ ഹെലികോപ്ടറിന്‍റെ ബ്ലാക്ക് ബോക്സ് കണ്ടെത്തി. ഒ.​എ​ന്‍.​ജി.​സി​യു​ടെ ഉ​ന്ന​ത ഉ​ദ്യോ​ഗ​സ്ഥ​രു​മാ​യി പ​റ​ന്ന ഹെ​ലി​കോ​പ്ട​ര്‍ ആണ് ശനിയാഴ്ച്ച തകർന്നു വീണത്. ഞായറാഴ്ച വൈകീട്ട് നടത്തിയ തെരച്ചിലിൽ ബ്ലാക് ബോക്സ് കണ്ടെത്തുകയായിരുന്നു.

പ്രത്യേക അന്വേഷണ സംഘമായ എയര്‍ക്രാഫ്റ്റ് ആക്സിഡന്‍റ് ഇന്‍വെസ്റ്റിഗേഷന്‍ ബ്യൂറോ ആണ് അപകടത്തെപ്പറ്റി അന്വേഷിക്കുന്നത്. കോക്പിറ്റിലെ സംഭാഷണങ്ങള്‍ രേഖപ്പെടുത്തിയ ബ്ലാക് ബോക്സ് ആണ് കണ്ടെത്തിയത്.

ശ​നി​യാ​ഴ്ച രാ​വി​ലെ 10.20ന് ​ജു​ഹു​വി​ലെ ഹെ​ലി​പാ​ഡി​ല്‍നി​ന്ന് ഉ​ദ്യോ​ഗ​സ്ഥ​രു​മാ​യി എ​ണ്ണ​ക്കി​ണ​ര്‍ ല​ക്ഷ്യ​മി​ട്ട് പ​റ​ന്ന ഹെ​ലി​കോ​പ്ട​ര്‍ 15 മി​നി​റ്റു​ക​ള്‍ക്കു ശേ​ഷം കാ​ണാ​താ​വു​ക​യാ​യി​രു​ന്നു. തെരച്ചിലില്‍ മും​ബൈ​യി​ല്‍നി​ന്ന് 30 നോ​ട്ടി​ക്ക​ല്‍ മൈ​ല്‍ അ​ക​ലെ ഹെ​ലി​കോ​പ്ട​റി​​ന്റെ അ​വ​ശി​ഷ്​​ടം കണ്ടെ​ത്തി. ഇ​തേ സ്ഥ​ല​ത്തു​നി​ന്നാ​ണ് ഉ​ച്ച​ക്ക് 12.30ഓ​ടെ ആ​ദ്യ മൃ​ത​ദേ​ഹം കി​ട്ടി​യ​ത്.

ഡെ​പ്യൂ​ട്ടി ജ​ന​റ​ല്‍ മാ​നേ​ജ​ര്‍മാ​രാ​യ കോ​ത​മം​ഗ​ലം പെ​രു​മ്പ​ള്ളി​ത്തി​റ വീ​ട്ടി​ല്‍ ജോ​സ് ആ​ന്‍​റ​ണി, തൃ​ശൂ​ര്‍ ചാ​ല​ക്കു​ടി സ്വ​ദേ​ശി വി.​കെ. ബി​ന്ദു​ലാ​ല്‍ ബാ​ബു എ​ന്നി​വ​രാണ്​ അപകടത്തില്‍ മരിച്ച മലയാളികള്‍. ഒ​പ്പ​മു​ണ്ടാ​യി​രു​ന്ന ഉ​ത്ത​രേ​ന്ത്യ​ക്കാ​ര​നാ​യ പ​ങ്ക​ജ് ഗാ​ര്‍ഗി​യു​ടെ മൃതദേഹവും കണ്ടെ​ത്തിയിരുന്നു.

തൃ​ശൂ​ര്‍ പൂ​ങ്കു​ന്നം സ്വ​ദേ​ശി പി.​എ​ന്‍. ശ്രീ​നി​വാ​സ​ന്‍, ത​മി​ഴ്നാ​ട്ടു​കാ​ര​നാ​യ ആ​ര്‍. ശ​ര​വ​ണ​ന്‍, പൈ​ല​റ്റു​മാ​രാ​യ ഒ​ഹ​ട്ക​ര്‍, ക​ടൊ​ച്ച്‌ എ​ന്നി​വ​രാ​ണ് ഹെ​ലി​കോ​പ്ട​റി​ല്‍ ഉ​ണ്ടാ​യി​രു​ന്ന മ​റ്റു​ള്ള​വ​ര്‍. പ​വ​ന്‍ഹാ​ന്‍സി​​ന്റെ ഡൗ​ഫി​ന്‍ എ​ന്‍ 3 ഹെ​ലി​കോ​പ്ട​റാ​ണ് അ​പ​ക​ട​ത്തി​ല്‍​പെ​ട്ട​ത്.