പതിനാലു പേരുടെ മരണത്തിനിരയാക്കിയ മുംബൈ കമല മില്‍സ് തീപിടുത്തവുമായി ബന്ധപ്പെട്ട് പബ് ഉടമകളില്‍ ഒരാള്‍ കൂടി പിടിയില്‍...
പതിനാലുപേരുടെ ദാരുണ മരണത്തിനിരയാക്കിയ മുംബൈ കമല മില്‍സ് തീപിടുത്തവുമായി ബന്ധപ്പെട്ട് മോജോ ബിസ്‌ട്രോ പബ് ഉടമകളിലൊരാള്‍ കൂടി പിടിയില്‍. നാഗ്പൂര്‍ കേന്ദ്രീകരിച്ച് ബിസ്‌നസ് നടത്തുന്ന യുഗി തുലിയാണ് മുംബൈ പൊലീസില്‍ കീഴടങ്ങിയത്. ഡിസംബര്‍ 29ന് തീപിടുത്തമുണ്ടായതിന് ശേഷം മുങ്ങിയതായിരുന്നു ഇയാള്‍. കമലാ മില്‍സില്‍ ഫയര്‍ സേഫ്റ്റി നിയമങ്ങള്‍ ലംഘിച്ചതിന്റെ പേരില്‍ ഇയാള്‍ക്കെതിരെ കേസെടുത്തിരുന്നു.
യുഗ് തുലിയുടെ പങ്കാളിയായ യുഗ് പതക് നേരത്തെ പിടിയിലായിരുന്നു. മുന്‍ പൊലീസ് കമ്മീഷണറായിരുന്നു കെ.കെ പതകിന്റെ മകനാണ് യുഗ് പതക്. കമല മില്‍സിനകത്തുണ്ടായിരുന്ന രണ്ടാമത്തെ പബിന്റെ മൂന്ന് ഉടമകളെയും ജനുവരി പത്തിന് കസ്റ്റഡിയില്‍ എടുത്തിരുന്നു. മനപ്പൂര്‍വമല്ലാത്ത നരഹത്യക്ക് മുവര്‍ക്കുമെതിരെ കേസും ഫയല്‍ ചെയ്തു.
കമല മില്‍സിലെ റൂഫ് ടോപ്പില്‍ സ്ഥിതി ചെയ്യുന്ന മോജോ ബിസ്‌ട്രോയില്‍ നിന്നാണ് തീ പടര്‍ന്നത്. പബിലെ ഹൂക്കയിലെ ചാര്‍കോളില്‍ നിന്നുമുള്ള കനല്‍ വഴി കര്‍ട്ടനിലേക്ക് തീ പടരുകയായിരുന്നു. ഫയര്‍ സേഫ്റ്റിക്കുള്ള യാതൊരു സംവിധാനവും ഇരു റസ്‌റ്റോറന്റുകളിലും ഒരുക്കിയിരുന്നില്ല.
ഹുക്ക ഉപയോഗിക്കാന്‍ അനുമതിയുമില്ലായിരുന്നുവെന്നും ഫയര്‍ ഡിപ്പാര്‍ട്ട്മന്റെ് വ്യക്തമാക്കി
https://www.facebook.com/Malayalivartha
