ക്രമസമാധാന പ്രശ്‌നങ്ങളുണ്ടാകുമെന്നതിനാല്‍ സിനിമാട്ടോഗ്രാഫ് നിയമപ്രകാരം ചില സിനിമകള്‍ക്ക് വിലക്കേര്‍പ്പെടുത്താന്‍ സംസ്ഥാനങ്ങള്‍ക്ക് അധികാരമുണ്ടെന്ന് മധ്യപ്രദേശും രാജസ്ഥാനും
വ്യാഴാഴ്ച റിലീസിന് ഒരുങ്ങുന്ന പദ്മാവദ് സിനിമയ്‌ക്കെതിരെ ബി.ജെ.പി സര്‍ക്കാരുകള്‍ വീണ്ടും രംഗത്ത്. സിനിമയ്ക്ക് പ്രദര്‍ശനാനുമതി നല്‍കിയ സുപ്രീംകോടതി ഉത്തരവിനെതിരെ സുപ്രീംകോടതിയെ സമീപിക്കാനൊരുങ്ങുകയാണ് മധ്യപ്രദേശ്, രാജസ്ഥാന്‍ ഗവണ്‍മെന്റുകള്‍. ഹരിയാന, ഗുജറാത്ത്, രാജസ്ഥാന്‍, മധ്യപ്രദേശ് സര്‍ക്കാരുകള്‍ സിനിമയ്ക്ക് ഏര്‍പ്പെടുത്തിയ വിലക്ക് സുപ്രിംകോടതി റദ്ദാക്കിയിരുന്നു. ഇതേ തുടര്‍ന്ന് സര്‍ക്കാരുകള്‍ വീണ്ടും പദ്മാവദിനെതിരെ രംഗത്തെത്തിയത്. സിനിമ റിലീസ് ചെയ്താല്‍ ഈ സംസ്ഥാനങ്ങളില്‍ ക്രമസമാധാന പ്രശ്‌നങ്ങളുണ്ടാകുമെന്നും അതിനാല്‍ സിനിമാട്ടോഗ്രാഫ് നിയമപ്രകാരം ചില സിനിമകള്‍ക്ക് വിലക്കേര്‍പ്പെടുത്താന്‍ സംസ്ഥാനങ്ങള്‍ക്ക് അധികാരമുണ്ടെന്ന് ഹര്‍ജിയില്‍ ചൂണ്ടിക്കാട്ടുന്നു.
സുപ്രിംകോടതി പ്രദര്‍ശനാനുമതി നല്‍കിയതോടെ അനുമതി നല്‍കിയ ചീഫ് ജസ്റ്റിസിനെതിരെയും സെന്‍സര്‍ ബോര്‍ഡ് അധ്യക്ഷനെതിരെയും വ്യാപക പ്രതിഷേധമാണ് ഉയരുന്നത്. സെന്‍സര്‍ ബോര്‍ഡ് ചെയര്‍മാന്‍ പ്രസൂണ്‍ജോഷി രാജസ്ഥാനില്‍ ഒരു പരിപാടിക്കെത്തുന്നതിന് കര്‍ണിസേന വിലക്കും ഏര്‍പ്പെടുത്തിയിട്ടുണ്ട്. സിനിമ നിരോധിച്ചില്ലെങ്കില്‍ ആത്മഹൂതി നടത്തുമെന്ന് പ്രഖ്യാപിച്ച് ഇരുന്നൂറിലധികം രജപുത് വനിതകള്‍ ചിറ്റോര്‍ഗഢ് നഗരത്തിലേക്ക് വാളുകളേന്തി കഴിഞ്ഞ ദിവസം മാര്‍ച്ച് നടത്തിയിരുന്നു. ര#പുത് സ്ത്രീകള്‍ അഗ്നിയില്‍ ജീവത്യാഗം ചെയ്‌തെന്ന് പറയുന്ന ചിറ്റോര്‍ഗഢ് കോട്ടയില്‍ നിന്നാണ് ഇവര്‍ പ്രകടനം ആരംഭിച്ചത്.
രജപുത് രാഞ്ജി പത്മാവതിയുടെ കഥപറയുന്ന സിനിമയില്‍ ചരിത്രം വളച്ചൊടിക്കുന്നെന്ന് ആരോപിച്ചാണ് കര്‍ണിസേനയും ബി.ജെ.പിയും പ്രതിഷേധം തുടങ്ങിയത്. അലാവുദ്ദീന്‍ഖില്‍ജിയും പദ്മാവതിയും തമ്മിലുള്ള പ്രണയം സിനിമയില്‍ പറയുന്നു എന്നാണ് പ്രധാന ആക്ഷേപം. ഇതോടെ കേന്ദ്ര വാര്‍ത്താവിതരണ പ്രക്ഷേപണമന്ത്രാലയം വിദഗ്ധസമിതിയെ സിനിമ കാണാന്‍ നിയോഗിച്ചു. അവരുടെ നിര്‍ദ്ദേശപ്രകാരം സിനിമയുടെ പേരും വിവാദ സീനുകളും എഡിറ്റ് ചെയ്താണ് അണയറപ്രവര്‍ത്തകര്‍ യു/എ സര്‍ട്ടിഫിക്കറ്റ് വാങ്ങിയത്. റിപ്പബല്‍ക് ദിനത്തിന് തലേന്ന് സിനിമ പ്രദര്‍ശനത്തിന് എത്തും മുമ്പ് വിലക്ക് നീക്കണമെന്നായിരുന്നു നിര്‍മാതാക്കളായ വിയകോം നല്‍കിയ ഹര്‍ജിയില്‍ ഹര്‍ജിയില്‍ ആവശ്യപ്പെട്ടത്. രജപുത് രാഞ്ജി പത്മാവതിയുടെ ജീവിതം ചരിത്രം വളച്ചൊടിച്ച് അവതരിപ്പിക്കുന്നെന്ന് ആരോപിച്ച് ചിത്രീകരണ സമയം മുതല്‍ കര്‍ണസേന രാജസ്ഥാനില്‍ പ്രതിഷേധം നടത്തിയിരുന്നു. സെറ്റില്‍ അവര്‍ ആക്രമണം നടത്തിയിരുന്നു.
ഗുജറാത്ത്, ഹിമാചല്‍പ്രദേശ് നിയമസഭാ തെരഞ്ഞെടുപ്പ് കാലത്ത് ബി.ജെ.പി ഈ വിവാദം ആയുധമാക്കിയിരുന്നു. ചിത്രം പ്രദര്‍ശിപ്പിക്കില്ലെന്ന് പറഞ്ഞ യു.പി, മധ്യപ്രദേശ് മുഖ്യമന്ത്രിമാര്‍ക്കെതിരെ സുപ്രീംകോടതി വിമര്‍ശനം നടത്തിയിരുന്നു. ചിത്രം തിയേറ്ററിലെത്തിയാല്‍ നായിക ദീപിക പാദുക്കോണിന്റെ മൂക്ക് ചെത്തുമെന്ന് കര്‍ണസേന ഭീഷണിപ്പെടുത്തിയിരുന്നു. സഞ്ജയ് ലീലാ ബെന്‍സാലി സംവിധാനം ചെയ്യുന്ന സിനിമയില്‍ റണ്‍വീര്‍സിംഗും ഷാഹിദ് കപൂറും അഭിനയിച്ചിട്ടുണ്ട്.
https://www.facebook.com/Malayalivartha
