നയതന്ത്ര വിജയം; ഇറ്റാലിയന്‍ നാവികര്‍ ഇന്ന് തിരിച്ചെത്തും
കടല്‍ക്കൊല കേസിലെ പ്രതികളായ ഇറ്റാലിയന്‍ നാവികര്‍ ഇന്ത്യയില്‍ ഇന്ന് തിരിച്ചെത്തും. നാവികരായ മാസിമിലിയാനോ ലാത്തോര്‍, സാല്‍വത്തോര്‍ ഗിറോണ്‍ എന്നിവരാണ്‌ മടങ്ങിയെത്തുക. ഇരുരാജ്യങ്ങളും തമ്മിലുള്ള നയതന്ത്രബന്ധം വഷളായതിനെ തുടര്‍ന്നാണ്‌ ഇറ്റലി തീരുമാനം മാറ്റിയത്‌. തെരെഞ്ഞെടുപ്പില്‍ വോട്ടുചെയ്യുന്നതിനായി ഇറ്റലിയിലേക്ക്‌ പോയ നാവികര്‍ ഇനി ഇന്ത്യയില്‍ തിരിച്ചെത്തില്ലെന്നും, ഇവരുടെ വിചാരണ ഇറ്റലിയില്‍ നടക്കുമെന്നുമായിരുന്നു ഇറ്റാലിയന്‍ സര്‍ക്കാരിന്റെ നിലപാട്‌. എന്നാല്‍ ഇതിനെതിരെ കടുത്ത നടപടികള്‍ ഇന്ത്യ സ്വീകരിച്ചതോടെ ഇറ്റലി തീരുമാനത്തില്‍ അയവുവരുത്തുകയായിരുന്നു. ഇന്ത്യയിലെ ഇറ്റാലിയന്‍ സ്ഥാനപതി രാജ്യം വിടരുതെന്ന്‌ സുപ്രീംകോടതി ഉത്തരവിട്ടിരുന്നു. ഇതിനെ തുടര്ന്ന് സര്‍ക്കാര്‍ രാജ്യത്തെ എല്ലാ വീമാനത്താവളങ്ങളിലും ജാഗ്രതാ നിര്‍ദേശവും നല്‍കി.
നാവികരെ ഇന്ത്യയിലെത്തിക്കാന്‍ നടത്തിയ എല്ലാ നീക്കങ്ങളും വെളിപ്പെടുത്താനാകില്ലെന്നും സുപ്രീം കോടതിയെ അറിയിക്കുമെന്നും വിദേശകാര്യമന്ത്രി സല്‍മാന്‍ ഖുര്‍ഷിദ്‌ പ്രതികരിച്ചു. നാവികരുടെ മനുഷ്യാവകാശങ്ങള്‍ സംരക്ഷിക്കാമെന്ന്‌ ഇന്ത്യ ഉറപ്പ്‌ നല്‍കിയതായാണ്‌ സൂചന.
2012 ഫെബ്രുവരിയിലാണ്‌ നീണ്ടകരയില്‍ മത്സ്യബന്ധനത്തിനു പോയബോട്ടിനുനേരെ ഇറ്റാലിയന്‍ കപ്പലായ എന്‍റിക്ക ലെക്‌സിയില്‍ നിന്നും വെടിവെയ്‌പ്പ്‌ ഉണ്ടായത്‌.സംഭവത്തില്‍ രണ്ട് മത്സ്യ തൊഴിലാളികള്‍ കൊല്ലപ്പെട്ടിരുന്നു. ഇതിനെതുടര്‍ന്നാണ്‌ കപ്പലിലെ സുരക്ഷാ ചുമതലയിലുള്ള നാവികരെ കേരളാ പോലീസ്‌ കസ്‌റ്റഡിയിലെടുത്തത്‌. പിന്നീട്‌ ഈ കേസില്‍ കേരളത്തിന്‌ വിചാരണ
നടത്താന്‍ അധികാരമില്ലെന്നും മാരിടൈം നിയമപ്രകാരം പ്രത്യേക കോടതിയിലാണ്‌ വിചാരണ തുടരേണ്ടതെന്നും സുപ്രീം കോടതി ഉത്തരവിട്ടു. കോടതി നിര്‍ദേശ പ്രകാരം നാവികരെ ഡല്‍ഹിയിലെ ഇറ്റാലിയന്‍ എംബസിയിലേക്ക്‌ മാറ്റുകയും ചെയ്തു. തുടര്ന്ന് ക്രിസ്‌മസ്സിന്‌ നാട്ടില്‍ പോകണമെന്ന നാവികരുടെ അപേക്ഷയില്‍ കോടതി അനുവാദം നല്‍കുകയും പറഞ്ഞ സമയം തന്നെ നാവികര്‍ ഇന്ത്യയിലേക്ക്‌ എതിരിച്ചെത്തുകയും ചെയ്തു. എന്നാല്‍ഇറ്റലിയന്‍തെരെഞ്ഞെടുപ്പില്‍ വോട്ടു ചെയ്യുന്നതിനു വേണ്ടി സുപ്രീം കോടതിഅനുമതിയോടെയാണ്‌ ഇറ്റാലിയന്‍ നാവികരായ മാര്‍സിമിലാനോ, സാല്‍വത്തോറെഗിറോണ്‍ എന്നിവര്‍ നാട്ടിലേക്ക്‌പോയത്‌. ഇവരെ
തിരിച്ചെത്തിക്കേണ്ട പൂര്‍ണ്ണ ഉത്തരവാദിത്വംഇന്ത്യയിലെ ഇറ്റാലിയന്‍സ്ഥാനപതിക്കായിരിക്കും എന്ന്‌ വ്യക്തമാക്കിയായിരുന്നു സുപ്രീംകോടതി ജാമ്യം അനുവദിച്ചത്‌. എന്നാല്‍ നാവികര്‍ മടങ്ങിയെത്തില്ലെന്ന്‌ ഇറ്റാലിയന്‍വിദേശകാര്യ മന്ത്രി
ജൂലിയോ തര്‍സികത്തിലൂടെ അറിയിക്കുകയായിരുന്നു. രാജ്യാന്തരകീഴ്‌വഴക്കങ്ങള്‍ ഇന്ത്യ ലംഘിച്ചെന്നും വിദേശപൗരന്‍മാര്‍ക്കു
നല്‍കേണ്ട നിയമ പരിരക്ഷഇന്ത്യ നല്‍കാന്‍ തയ്യാറായില്ലെന്നും ഇറ്റലികുറ്റപ്പെടുത്തി. പ്രശ്‌ന പരിഹാര ശ്രമങ്ങളോട്‌ ഇന്ത്യ സഹകരിക്കുന്നില്ലെന്നും കത്തിലൂടെ ഇറ്റലി ആരോപിച്ചിരുന്നു.
https://www.facebook.com/Malayalivartha
