അതിര്‍ത്തിയില്‍ വീണ്ടും പാക് വെടിവയ്പ് : പതിനാറുകാരി കൊല്ലപ്പെട്ടു
ജമ്മുകാശ്മീര്‍ അതിര്‍ത്തിയിലെ പൂഞ്ച് ജില്ലയില്‍ ജനവാസ കേന്ദ്രങ്ങളിലേക്ക് പാകിസ്ഥാന്‍ സൈന്യം നടത്തിയ വെടിവെപ്പില്‍ ഒരു പെണ്‍കുട്ടി കൊല്ലപ്പെടുകയും നാലു പേര്‍ക്ക് പരിക്കേല്‍ക്കുകയും ചെയ്തു. 16കാരിയായ സാഹിറ അക്തറാണ് കൊല്ലപ്പെട്ടത്.
വെള്ളിയാഴ്ച സൗജിയാനിലാണ് വെടിനിര്‍ത്തല്‍ കരാര്‍ ലംഘിച്ചുകൊണ്ട് പാകിസ്ഥാന്‍ മോര്‍ട്ടാറും ഷെല്ലും ഉപയോഗിച്ച് ആക്രമണം നടത്തിയത്. നിരവധി വീടുകള്‍ക്ക് ആക്രമണത്തില്‍ കേടുപാടുകള്‍ സംഭവിച്ചു. പരിക്കേറ്റവരെ പൂഞ്ച് ജില്ലാ ആശുപത്രിയില്‍ വിദഗ്ദ്ധ ചികിതിസയ്ക്കായി പ്രവേശിപ്പിച്ചിരിക്കുകയാണ്.
അതേസമയം,പാക് ആക്രമണത്തിനെതിരെ ഇന്ത്യന്‍ സേനയും ശക്തമായി തിരിച്ചടിച്ചുവെന്ന് സൈനിക വക്താവ് മനീഷ് മെഹ്ത വ്യക്തമാക്കി. അതിര്‍ത്തിയില്‍ തുടര്‍ച്ചയായ മൂന്നാം ദിവസമാണ് പാകിസ്ഥാന്‍ വെടിനിര്‍ത്തല്‍ കാരാര്‍ ലംഘിച്ചിരിക്കുന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
