മലയാളി വാര്ത്ത.
കുടിയന്മാര്ക്ക് ആകെയുള്ള ആശ്രയമായിരുന്നു മാഹി. കുറഞ്ഞ വിലയ്ക്ക് മദ്യം കിട്ടിയിരുന്ന മാഹി ഇപ്പോള് കുടയന്മാര്ക്ക് നേരെ മുഖം തിരിക്കുകാണ്. കോഴിക്കോടിനും കണ്ണൂരിനും ഇടയ്ക്ക് സ്ഥിതിചെയ്യുന്ന മാഹി, യാത്രക്കാര്ക്ക് ഒരു വിഹാര കേന്ദ്രം കൂടിയാണ്. ഇതുവഴി സഞ്ചരിക്കുന്നവര് ഒരു ബോട്ടിലെങ്കിലും വാങ്ങാതെ പോകാറുമില്ല. ദൂര ജില്ലകളില് നിന്ന് പോലും മദ്യപിക്കാനായി ദിവസേന ആളുകളെത്തുന്നുണ്ട്. കുറഞ്ഞ വിലയ്ക്ക് മദ്യം ലഭിക്കുന്നുവെന്നത് കൊണ്ട് തന്നെ വന് തോതിലുള്ള മദ്യ കടത്തും ഇവിടെ നടക്കുന്നുണ്ട്.
മാഹിയില് വില കുറഞ്ഞ മദ്യം വില്കുന്നതും ഉല്പാദിപ്പിക്കുന്നതും തടയാനുള്ള പുതിയ നിയമം കൊണ്ടുവരാന് ഒരുങ്ങുകയാണ് പോണ്ടിച്ചേരി സര്ക്കാര്. കേരളത്തിലെ ബാറുകളും മദ്യഷാപ്പുകളും പൂട്ടാനൊരുങ്ങുന്ന സാഹചര്യത്തില് മാഹിയില് മദ്യപിക്കാനെത്തുന്നവരുടെ എണ്ണത്തില് വന് വര്ധന ഉണ്ടാകുമെന്നത് കണക്കിലെടുത്താണ് ഇവിടെ പുതിയ നിയമം കൊണ്ടു വരാന് ഒരുങ്ങുന്നത്.
ഇവിടെയുള്ള മദ്യത്തിന്റെയും ബാറുകളുടെയും ഗുണനിലവാരമുയര്ത്തുന്നതോടെ ലോക്കല് മദ്യം തേടിയുള്ള മദ്യപന്മാരുടെ വരവിന് തടയിടാനാകുമെന്നാണ് അധികാരികള് കരുതുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha