സഖ്യം പിരിഞ്ഞതില് ശിവസേനയെ കുറ്റപ്പെടുത്തില്ല, താക്കറെയോടുള്ള ബഹുമാനം കൊണ്ടെന്ന് മോഡി
മഹാരാഷ്ട്രയില് ബിജെപിയുമായുള്ള സഖ്യം പിരിഞ്ഞതില് ശിവസേനയെ കുറ്റപ്പെടുത്താനില്ലെന്ന് പ്രധാനമന്ത്രി നരേന്ദ്ര മോഡി. അന്തരിച്ച ശിവസേന തലവന് ബാല് താക്കറെയോട് ബഹുമാനം ഉള്ളതിനാല് ശിവസേനയ്ക്കെതിരെ ഒന്നും പറയില്ലെന്നും മോഡി പറഞ്ഞു. മഹാരാഷ്ട്രയിലെ സാംഗില് ജില്ലയില് തിരഞ്ഞെടുപ്പു പ്രചരണ റാലിയെ അഭിസംബോധന ചെയ്തു സംസാരിക്കുകയായിരുന്നു മോദി.
ബാല്താക്കറെയുടെ ഓര്മകളോട് അനാദരവ് കാണിക്കാന് താല്പര്യമില്ല. താക്കറെയുടെ സന്നിധ്യമില്ലാത്ത ആദ്യത്തെ വോട്ടെടുപ്പാണിത്. ജനങ്ങളുടെ അവകാശങ്ങള്ക്കുവേണ്ടി നിലകൊണ്ട വ്യക്തിയായിരുന്നു അദ്ദേഹമെന്നും മോഡി പറഞ്ഞു.
1960 ലാണ് ഗുജറാത്ത് പിറവിയെടുത്തത്. അതുവരെ മഹാരാഷ്ട്രയുടെ ഭാഗമായിരുന്നു ഗുജറാത്ത്. ഇപ്പോഴും ഗുജറാത്ത് മഹാരാഷ്ട്രയുടെ ഇളയസഹോദരനെന്നാണ് ഞങ്ങള് വിശ്വസിക്കുന്നത്. പാര്ലമെന്റ് തിരഞ്ഞെടുപ്പു പ്രചരണത്തിനു വേണ്ടി ഞാന് ഇവിടെ വന്നിരുന്നു. അന്നു ഞാന് നിങ്ങളോട് ബിജെപിയെ വിജയിപ്പിക്കാന് ആവശ്യപ്പെട്ടു. പക്ഷേ നിങ്ങള് ഞാന് ചോദിച്ചതിനെക്കാള് അധികം എനിക്ക് തന്നു. മഹാരാഷ്ട്രയിലെ സാധാരണ ജനങ്ങളുടെയും കര്ഷകരുടെയും ക്ഷേമത്തിനു വേണ്ടി ഞാന് പ്രവര്ത്തിക്കും.
നര്മദ പദ്ധതിയും ജലസേചന സൗകര്യമില്ലായ്മയുമാണ് ഇവിടുത്തെ കര്ഷകരുടെ പ്രധാന പ്രശ്നം. നര്മദ പദ്ധതി പ്രാവര്ത്തികമാക്കാന് പരമാവധി ശ്രമിക്കുമെന്നും മോഡി പറഞ്ഞു.
വാജ്പേയിയുടെ നേതൃത്വത്തിലുള്ള ബി.ജെ.പി സര്ക്കാരാണ് മുംബയ് വിമാനത്താവളത്തിന് ശിവജിയുടെ പേര് നല്കിയത്. വിക്ടോറിയ ടെര്മിനസിനെ ഛത്രപതി ശിവജി ടെര്മിനസ് എന്ന് പുനര്നാമകരണം ചെയ്തതും വാജ്പേയി സര്ക്കാരാണെന്ന് മോഡി ഓര്മിപ്പിച്ചു. ശിവജിയുടെ ഗുണഗണങ്ങള് പവാറിന് കിട്ടുമെന്ന് തോന്നുന്നില്ല. എന്നാല് അദ്ദേഹത്തിന്റെ ജലസേചന നയങ്ങള് പവാര് നടപ്പാക്കിയിരുന്നെങ്കില് മഹാരാഷ്ടട്രയില് കര്ഷകര് ആത്മഹത്യ ചെയ്യില്ലായിരുന്നു എന്നും മോഡി ചൂണ്ടിക്കാട്ടി.
https://www.facebook.com/Malayalivartha
