ഇന്ത്യ - പാക് അതിര്‍ത്തിയില്‍ പാക്കിസ്ഥാന്‍ വെടിനിര്‍ത്തല്‍ ലംഘിക്കുന്നത് അവസാനിപ്പിക്കണമെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിങ്. ജമ്മു കശ്മീരിലെ ഇപ്പോഴത്തെ സ്ഥിതി കേന്ദ്രം വിലയിരുത്തുന്നുണ്ട്. ഗ്രാമവാസികളെ സംരക്ഷിക്കുന്നതിനാവശ്യമായ നടപടികളെടുക്കുമെന്നും രാജ്‌നാഥ് സിങ് പറഞ്ഞു.

കശ്മീരില്‍ ഇപ്പോള്‍ സംഭവിക്കുന്നത് വളരെ ഗൗരവതരമായ കാര്യമാണെന്നും പാക്കിസ്ഥാന്‍ ഇതില്‍ നിന്നു പിന്‍തിരിയണമെന്നും കോണ്‍ഗ്രസും ബിജെപിയും ആവശ്യപ്പെട്ടു. പാക്കിസ്ഥാന്റെ ഇത്തരം പ്രവര്‍ത്തനങ്ങള്‍ അവരുടെ രാജ്യത്തിനു തന്നെ ദോഷം ചെയ്യുമെന്നും ബിജെപി നേതാവ് മുക്താര്‍ അബ്ബാസ് നഖ്‌വി പറഞ്ഞു. ബലിപെരുന്നാള്‍ ദിനം ഇത്തരത്തില്‍ ഒരു ആക്രമണം നടന്നത് തികച്ചും അപലപനീയമാണെന്ന് മുന്‍ വിദേശകാര്യ മന്ത്രി സല്‍മാര്‍ ഖുര്‍ഷിദ് പറഞ്ഞു.

ഇന്നു രാവിലെ പാക്കിസ്ഥാന്‍ നടത്തിയ വെടിവെയ്പ്പില്‍ ഗ്രാമവാസികളായ അഞ്ചുപേര്‍ കൊല്ലപ്പെട്ടിരുന്നു. 29 പേര്‍ക്ക് പരുക്കേറ്റു. കഴിഞ്ഞ ആറു ദിവസത്തിനുള്ളില്‍ 10-ാം തവണയാണ് പാക്കിസ്ഥാന്‍ വെടിനിര്‍ത്തല്‍ കരാര്‍ ലംഘിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha