പുതുപ്പളളി ഉപതിരിഞ്ഞെടുപ്പ് സ്ഥാനാര്ത്ഥി പ്രഖ്യാപനം വന്ന അന്നു മുതല് ഇടതുപക്ഷ സ്ഥാനാര്ത്ഥി ജെയ്ക് സി തോമസ് നടത്തിക്കൊണ്ടിരിക്കുന്നത് പല വിവാദങ്ങള് ഉയര്ത്തിയുള്ള വെല്ലുവിളിയാണ്. സിപിഎമ്മും ജെയ്ക്കും ഉദ്ദേശിക്കുന്ന തരത്തിലേയ്ക്ക് തിരഞ്ഞെടുപ്പ് ചര്ച്ചകള് തിരിച്ചു വിടനായാണ് പ്രതിപക്ഷത്തെ പ്രകോപിപ്പിക്കുന്ന തരത്തില് വെല്ലുവിളികള് നടത്തി കൊണ്ടിരിക്കുന്നത്
പുതുപ്പളളി ഉപതിരിഞ്ഞെടുപ്പ് സ്ഥാനാര്ത്ഥി പ്രഖ്യാപനം വന്ന അന്നു മുതല് ഇടതുപക്ഷ സ്ഥാനാര്ത്ഥി ജെയ്ക് സി തോമസ് നടത്തിക്കൊണ്ടിരിക്കുന്നത് പല വിവാദങ്ങള് ഉയര്ത്തിയുള്ള വെല്ലുവിളിയാണ്. സിപിഎമ്മും ജെയ്ക്കും ഉദ്ദേശിക്കുന്ന തരത്തിലേയ്ക്ക് തിരഞ്ഞെടുപ്പ് ചര്ച്ചകള് തിരിച്ചു വിടനായാണ് പ്രതിപക്ഷത്തെ പ്രകോപിപ്പിക്കുന്ന തരത്തില് വെല്ലുവിളികള് നടത്തി കൊണ്ടിരിക്കുന്നത്. വികസനത്തെ കുറിച്ച് ചര്ച്ച ചെയ്യാന് ആദ്യം കോണ്ഗ്രസിനെ വെല്ലുവിളിച്ചു. എന്നാല് ആറു പഞ്ചായത്തുകളും ഭരിക്കുന്നത് എല്ഡിഎഫാണെന്ന വിവരം പുറത്തു വന്നതോടെ ഉമ്മന്ചാണ്ടിയെ വികസനവിരോധിയെന്ന് പ്രഖ്യാപിച്ചു കൊണ്ടുള്ള വീരവാദങ്ങളും മുഴക്കി തുടങ്ങിയിരുന്നു.
അതിനുശേഷം , കെ.കരുണാകരന്റെ മകന് കെ .മുരളീധരനെ പുതുപ്പള്ളിയില് ഇറക്കാനും വെല്ലുവിളി നടത്തി. ഉമ്മന്ചാണ്ടിയെ വേട്ടയാടിയത് സിപിഎമ്മല്ല കോണ്ഗ്രസാണെന്ന വാദം ഇറപ്പിക്കാനായിരുന്നു പുറപ്പാട് . അതും കോണ്ഗ്രസ് കൈകൊണ്ടില്ല. കോണ്ഗ്രസിന്റെ അജണ്ട നിശ്ചയി്ക്കുന്നത് സിപിഎമ്മല്ലായെന്ന് വി.ഡി.സതീശന് തിരിച്ചടിച്ചിട്ടും ജെയ്ക്ക് വായടച്ചില്ല. ഇപ്പോള് പതിവ് ശൈലി തന്നെ ഇറക്കി സംഘപരിവാര് ബന്ധത്തിന്റെ ആഴം തേടി പോവുകയാണ്. മണിപ്പുര് വംശഹത്യയ്ക്ക് നേതൃത്വം നല്കിയ സംഘപരിവാറുമായി കോട്ടയം ജില്ലയില് കൈകൊടുക്കാനുള്ള കോണ്ഗ്രസിന്റെ നീക്കം പുതുപ്പള്ളി ഉപതിരഞ്ഞെടുപ്പിന് മുന്പുള്ള മിനി പരീക്ഷണമല്ലേയെന്ന് സ്ഥാനാര്ഥി ജെയ്ക് സി തോമസിന്റെ ചോദ്യത്തിന് കോണ്ഗ്രസ് പുല്ലുവില പോലും നല്കിയില്ല. സംഘപരിവാര് ബന്ധത്തോട് യുഡിഎഫ് സ്ഥാനാര്ഥി പ്രതികരിച്ചോ? കെപിസിസി പ്രസിഡന്റ് പ്രതികരിച്ചോ? പ്രതിപക്ഷ നേതാവ് പ്രതികരിച്ചോയെന്നും ജെയ്ക് ചോദിച്ചു. പുതുപ്പള്ളി ഉപതിരഞ്ഞെടുപ്പില് നാമനിര്ദേശപത്രിക സമര്പ്പിച്ചശേഷം മാധ്യമങ്ങളോട് സംസാരിമ്പോഴാണ് അദ്ദേഹം ഇങ്ങനെ ചോദിച്ചത്. വികസനം ചര്ച്ചചെയ്യുന്നതിനായി യുഡിഎഫ് സ്ഥാനാര്ഥി ചര്ച്ചയ്ക്ക് തയ്യാറുണ്ടോയെന്നും ജെയ്ക് സി.തോമസ് ചോദിച്ചു?
''ഇടതുപക്ഷം വികസനമാണ് മുന്നോട്ടുവയ്ക്കുന്നത്. അതിനാലാണ് വികസനത്തെ മുന്നിര്ത്തി യുഡിഎഫ് സ്ഥാനാര്ഥിയെ ചര്ച്ചയ്ക്കായി ക്ഷണിച്ചത്. പക്ഷെ ഇതിനോട് യുഡിഎഫ് സ്ഥാനാര്ഥി പ്രതികരിച്ചിട്ടില്ല. യുഡിഎഫ് നേതൃത്വവും മറുപടി നല്കിയില്ല. പിണറായി സര്ക്കാരിനെ മുന്നിര്ത്തിയും വികസനം ചര്ച്ചചെയ്യാന് തയാറാണ്. യുഡിഎഫ് ആവശ്യപ്പെടുന്ന എവിടെയും ചര്ച്ചയ്ക്കായി എത്താം. പുതുപ്പള്ളി 2021ല് തന്നെ മാറാന് വെമ്പി നില്ക്കുന്ന അര്ഥസമ്പൂര്ണമായ രാഷ്ട്രീയദിശാ മാറ്റത്തിന്റെ ചിഹ്നങ്ങളെ നമ്മുടെ നാടിന് സമ്മാനിച്ചതാണ്. ആ മാറ്റം പൂര്ണതയിലേക്കെത്തിക്കാന് കുതിച്ചു നില്ക്കുന്ന പുതുപ്പള്ളിയേയാണ് 2023 ഉപതിരഞ്ഞെടുപ്പില് കാണാനാകുക. ഈ ഉപതിരഞ്ഞെടുപ്പോടെ പുതുപ്പള്ളിയിലെ രാഷ്ട്രീയ ദിശാസൂചിക സമ്പൂര്ണമായി ഇടതുപക്ഷ രാഷ്ട്രീയത്തിന്റെ അഭിമാനമായി മാറും.''-ജെയ്ക് പറഞ്ഞു.
''ഇന്ത്യന് മതനിരപേക്ഷതയെ ഒറ്റുകൊടുത്ത് ആര്എസ്എസുമായി കൂട്ടുകൂടാനാണ് കോണ്ഗ്രസ് നീക്കം. എന്തുകൊണ്ടാണിത്?. പുതുപ്പള്ളി മണ്ഡലത്തില് ഇടതുപക്ഷ മുന്നണിയുടെ ബഹുജനവളര്ച്ചെയെക്കുറിച്ച് കണക്കുകള് സംസാരിക്കും. സംഘപരിവാറിന്റെ വോട്ട് കഴിഞ്ഞ തിരഞ്ഞെടുപ്പില് എങ്ങോട്ട് പോയി? രാജ്യമാകെ സൂക്ഷ്മരാഷ്ട്രീയത്തെ ശ്രദ്ധിക്കുന്ന വേളയിലാണ് കിടങ്ങൂര് ഗ്രാമപ്പഞ്ചായത്തില് ഇടതുപക്ഷത്തെ പരാജയപ്പെടുത്താന് ബിജെപിയെ കോണ്ഗ്രസ് കൂട്ടുപിടിച്ചത്. ഇടതുപക്ഷജനാധിപത്യ മുന്നണിയുടെ പ്രതിനിധിയെന്ന നിലയിലും സ്ഥാനാര്ഥി എന്ന നിലയിലും യുഡിഎഫ് ഉയര്ത്തിയ ചെറുതും വലുതുമായ എതു ചോദ്യങ്ങള്ക്കും മറുപടി നല്കിയിട്ടുണ്ട്. രാജ്യത്തിന്റെ ശ്രദ്ധാകേന്ദ്രമായി പുതുപ്പള്ളി മാറിയിട്ടുണ്ട്''-ജെയ്ക് ആത്മവിശ്വാസത്തോടെ പറഞ്ഞു. ജെയ്ക്കിന്റെ വലയില് വീഴാതിരിക്കാന് കോണ്ഗ്രസ് വളരെ ശ്രദ്ധിച്ചാണ് ചുവടുകള് വെയ്ക്കുന്നത്.
ഉമ്മന്ചാണ്ടിയുടെ മരണം ഉയര്ത്തിയ വിടവില് നടക്കുന്ന ഉപതിരഞ്ഞെടുപ്പില് വിജയം മാത്രമല്ല , ഭൂരിപക്ഷമാണ് കോണ്ഗ്രസിന്റെ വെല്ലുവിളി. പിണറായിയുടെ മകള് വീണവിജയന്റെ പേരില് ഉയര്ന്ന മാസപ്പടി വിവാദം മറികടക്കാന് മാത്യുകുഴല്നാടന് എംഎല്എയ്ക്കെതിരെ കൊണ്ടുവന്ന അനധികൃത സ്വത്തും, നികുതിവെട്ടിപ്പും എട്ടുനിലയില് പൊട്ടി എന്നു മാത്രമല്ല അത് സിപിഎമ്മിന് തന്നെ തിരിച്ചടിയാവുകയും ചെയ്തു. നികുതി അടച്ചതിന്റെ മുഴുവന് രേഖകളും പുറത്തു വിട്ടുകൊണ്ട് കുഴല്നാടന് സിപിഎമ്മിനെ വെല്ലുവിളിച്ചു.
എന്റെ വരുമനവും നികുതിയും ്സ്വത്തും സിപിഎം തന്നെ അന്വേഷിക്കട്ടെ ഒപ്പം വീണ വിജയന്റെ നികുതി വിവരങ്ങളും അന്വേഷിക്കാന് പാര്ട്ടി തയ്യാറുണ്ടോയെന്ന മാത്യു കുഴല്നാടന്റെ വെ്ല്ലുവിളിയില് ജെയ്ക്കിന്റെയും നേതാക്കളുടെയും സകല അടവുകളും തെറ്റി. തിരഞ്ഞെടുപ്പ് വിഷയം മാസപ്പടിയും, അഴിമതിയും, വിലക്കയറ്റവും എന്നു പറയുന്ന കോണ്ഗ്രസ് നേതാക്കളെ വലിച്ച് സിപിഎം വലയത്തിലേയ്ക്ക് കൊണ്ടു വരാനുള്ള ശ്രമങ്ങള് സിപിഎം നടത്തിക്കൊണ്ടിരിക്കുകയാണ്. ജനകീയ പ്രശ്നങ്ങളില് നിന്ന് ശ്രദ്ധതിരിച്ച് രാഷ്ട്രീയ പ്രശ്നത്തിലേയ്ക്ക് കൊണ്ടുവരാനുള്ള ശ്രമങ്ങള് പൂര്ണ്ണ പരാജയമെന്നു തന്നെ പറയാം. എന്നിട്ടും ജെയ്ക്കിന്റെ നാവിന് വിശ്രമമില്ല.
https://www.facebook.com/Malayalivartha