രാമക്ഷേത്ര പ്രതിഷ്ഠാ ചടങ്ങില് പാര്ട്ടി എന്ന നിലയില് കോണ്ഗ്രസിന് ക്ഷണമില്ല; സമൂഹത്തില് ഭിന്നിപ്പുണ്ടാക്കാനാണ് ശ്രമം; അയോധ്യയെ സി.പി.എം രാഷ്ട്രീയവത്ക്കരിക്കുകയാണ് ആണെന്ന് പ്രതിപക്ഷ നേതാവ് വി ഡി സതീശൻ
അയോധ്യയെ സി.പി.എം രാഷ്ട്രീയവത്ക്കരിക്കുകയാണ് ആണെന്ന് പ്രതിപക്ഷ നേതാവ് വി ഡി സതീശൻ . രാമക്ഷേത്ര പ്രതിഷ്ഠാ ചടങ്ങില് പാര്ട്ടി എന്ന നിലയില് കോണ്ഗ്രസിന് ക്ഷണമില്ല. വ്യക്തികള്ക്കാണ് ക്ഷണം. ഇക്കാര്യത്തില് പാര്ട്ടി ആലോചിച്ച് ഒരു തീരുമാനമെടുക്കും.
കോണ്ഗ്രസ് തീരുമാനമെടുക്കുന്നതിന് മുന്പെ അതില് അനാവശ്യ വിവാദം ഉണ്ടാക്കുകയാണ്. ഏക സിവില് കോഡിനേയും പലസ്തീന് വിഷയത്തയും രാഷ്ട്രീയ വത്കരിച്ചത് പോലെ അയോധ്യയേയും സി.പി.എം. രാഷ്ട്രീയവത്കരിക്കുന്നു. ബി.ജെ.പി ചെയ്യുന്ന അതേ പണിയാണ് സി.പി.എമ്മും ചെയ്യുന്നത്. സമൂഹത്തില് ഭിന്നിപ്പുണ്ടാക്കാനാണ് ശ്രമം.
ജാതിയുടേയും മതത്തിന്റേയും പേരില് സമൂഹത്തില് ഭിന്നിപ്പ് ഉണ്ടാക്കി മുതലെടുപ്പ് നടത്തുന്നതാണ് ബി.ജെ.പിയുടെ ശൈലി. അതിന്റെ വേറൊരു ഫോര്മാറ്റാണ് സി.പി.എം കേരളത്തില് നടപ്പാക്കുന്നത്. അങ്ങേയറ്റം സൂക്ഷ്മതയോടെയാട് പാണക്കാട് തങ്ങളും പി.കെ കുഞ്ഞാലിക്കുട്ടിയും പ്രതികരിച്ചത്. സമൂഹത്തില് ഭിന്നിപ്പ് ഉണ്ടാകരുതെന്ന ആഗ്രഹത്തോടെയാണ് അവരുടെ പ്രതികരണങ്ങള്. മുസ്ലിം ലീഗ് നേതൃത്വം മാതൃകയാണ്. അവര് അഭിനന്ദനം അര്ഹിക്കുന്നു.
സുപ്രഭാതം പത്രം ഈ വിഷയത്തില് എഴുതിയ എഡിറ്റോറിയല് നേരത്തെയുള്ളതും അപക്വവും തെറ്റായതുമായ നടപടിയാണ്. അത് സമസ്തയുടെ നിലപാടല്ലെന്ന് ജിഫ്രി തങ്ങള് വ്യക്തമാക്കിയിട്ടുണ്ട്. വോട്ട് കിട്ടാന് സമസ്തയെ കൈകാര്യം ചെയ്യാമെന്ന സി.പി.എം. ധാരണയും പാളിപ്പോയി. സമൂഹത്തില് ഭിന്നിപ്പ് ഉണ്ടാകരുതെന്നാണ് സമസ്ത നേതൃത്വവും കരുതുന്നത്. അതില് ഞങ്ങള്ക്ക് നിറഞ്ഞ സന്തോഷമുണ്ട്. ഇത്തരം വിഷയങ്ങളെ വോട്ട് രാഷ്ട്രീയത്തിന് വേണ്ടി മാത്രം ഉപയോഗിക്കുന്ന സി.പി.എം നിലപാട് ലജ്ജിപ്പിക്കുന്നു എന്ന് അദ്ദേഹം പറഞ്ഞു .
https://www.facebook.com/Malayalivartha