സിപിഐഎം സംസ്ഥാന സെക്രട്ടറി എം വി ഗോവിന്ദന്‍ രൂക്ഷമായ പ്രതികരണവുമായി രംഗത്ത് വന്നിരിക്കുകയാണ്. പാനൂര്‍ ബോംബ് സ്‌ഫോടനത്തില്‍ മരിച്ച ഷെറിന്റെ വീട് സിപിഐഎം നേതാക്കള്‍ സന്ദര്‍ശിച്ച സംഭവത്തിലാണ് അദ്ദേഹം രൂക്ഷമായ പ്രതികരണം നടത്തിയിരിക്കുന്നത്.

മാധ്യമപ്രവര്‍ത്തകർ ഈ കാര്യം ചോദിച്ചപ്പോൾ ഈ സന്ദര്‍ശനത്തെ കുറിച്ച് അറിയില്ലെന്നായിരുന്നു എം വി ഗോവിന്ദന്റെ പ്രതികരണം. അദ്ദേഹം അല്പം രൂക്ഷമായിട്ടായിരുന്നു ഈ ചോദ്യത്തോട് പ്രതികരിച്ചത് . സംഭവത്തിന് പാര്‍ട്ടിയുമായി യാതൊരു ബന്ധവുമില്ല. പാര്‍ട്ടി സഖാക്കളെ തന്നെ ആക്രമിച്ച കേസിലെ പ്രതികളാണെന്നും എം വി ഗോവിന്ദന്‍ പറഞ്ഞു.

ഷെറിന്റെ വീട് സിപിഐഎം നേതാക്കള്‍ സന്ദര്‍ശിച്ച വിഷയത്തിൽ മുതിര്‍ന്ന സിപിഐഎം നേതാവ് പി ജയരാജന്‍ പ്രതികരിച്ചത് ഇപ്രകാരമാണ്;- നിഷേധിച്ചും ന്യായീകരിച്ചുമാണ് അദ്ദേഹം മറുപടി നൽകിയത് .

പാര്‍ട്ടിയുടെ ഉത്തരവാദിത്തത്തിലുള്ള ഒരു നേതാവും ഷെറിഫിന്റെ വീട്ടില്‍ പോയിട്ടില്ലെന്ന് പറഞ്ഞ പി ജയരാജന്‍, പിന്നീട് കുടുംബവുമായി ബന്ധമുള്ള ആരെങ്കിലും പോയെങ്കില്‍ മഹാഅപരാധമായി കാണേണ്ടതില്ലെന്നും അത്തരമൊരു വിലക്ക് പാര്‍ട്ടി ആര്‍ക്കും ഏര്‍പ്പെടുത്തിയിട്ടില്ലെന്നും അദ്ദേഹം പറഞ്ഞു.