വഖഫില് സര്ക്കാര് നിയന്ത്രണം കൊണ്ടു വരുന്നതിനു വേണ്ടിയുള്ളതായിരുന്നു ഭേദഗതികള്; മതത്തിന്റെ ആചാരത്തിലേക്കും സംസ്ക്കാരത്തിലേക്കും സാമൂഹികമായ സംവിധാനത്തിലേക്കും നുഴഞ്ഞു കയറാനുള്ള സംഘ്പരിവാര് ശ്രമത്തിന്റെ ഭാഗമാണ് വഖഫ് ഭേദഗതിയെന്ന് പ്രതിപക്ഷ നേതാവ് വി ഡി സതീശൻ
എന്തുകൊണ്ടാണ് ഇന്ത്യന് നാഷണല് കോണ്ഗ്രസും ഇന്ത്യ മുന്നണിയും വഖഫ് ബില്ലിനെ എതിര്ത്തെന്ന് മുന്കൂട്ടി പറഞ്ഞിട്ടുണ്ടെന്നും മതത്തിന്റെ ആചാരത്തിലേക്കും സംസ്ക്കാരത്തിലേക്കും സാമൂഹികമായ സംവിധാനത്തിലേക്കും നുഴഞ്ഞു കയറാനുള്ള സംഘ്പരിവാര് ശ്രമത്തിന്റെ ഭാഗമാണ് വഖഫ് ഭേദഗതിയെന്നും പ്രതിപക്ഷ നേതാവ് വി ഡി സതീശൻ .
അതിനെ ഞങ്ങള് ശക്തിയായി എതിര്ത്തു. വഖഫില് സര്ക്കാര് നിയന്ത്രണം കൊണ്ടു വരുന്നതിനു വേണ്ടിയുള്ളതായിരുന്നു ഭേദഗതികള്. അതിനെ മുനമ്പം വിഷയവുമായി കൂട്ടിക്കെട്ടാന് ചില ശക്തികള് ശ്രമിച്ചു. മുനമ്പം വിഷയവും വഖഫ് ഭേദഗതിയും തമ്മില് ഒരു ബന്ധവുമില്ല. മുനമ്പത്തെ വിഷയം സംസ്ഥാന സര്ക്കാരിനും സംസ്ഥാന വഖഫ് ബോര്ഡിനും പത്ത് മിനിട്ട് കൊണ്ട് പരിഹരിക്കാവുന്നതേയുള്ളൂ. കേരളത്തിലെ മുഴുവന് മുസ്ലീം സംഘടനകളും, ക്രൈസ്തവ സംഘടനകളും മുനമ്പത്തെ ജനങ്ങളെ അവിടെ നിന്നും ഇറക്കി വിടരുതെന്നും സ്ഥിരമായ ആവകാശം നല്കണമെന്നും ആവശ്യപ്പെട്ടിട്ടുണ്ട്. അത് സംബന്ധിച്ച് ഒരു തര്ക്കവും രാഷ്ട്രീയ പാര്ട്ടികള്ക്കും മത സംഘടനകള്ക്കുമില്ല എന്നും വി ഡി സതീശൻ പറഞ്ഞു .
മുനമ്പത്തിന്റെ മറവില് വഖഫ് ബില് പാസാക്കാന് ശ്രമം നടത്തി. വഖഫ് ബില് പാസാക്കിയതു കൊണ്ട് മുനമ്പത്തെ പ്രശ്നം പരിഹരിക്കപ്പെടുമോ? തീരാന് വഖഫ് ഭേദഗതിക്ക് മുന്കാല പ്രബല്യമില്ല. എന്നിട്ടും ബി.ജെ.പി രാഷ്ട്രീയ മുതലെടുപ്പ് നടത്തി ക്രൈസ്തവരെ പ്രീണിപ്പിക്കാന് ശ്രമിക്കുകയാണ്. രണ്ട് മതങ്ങള് തമ്മില് സംഘര്ഷമുണ്ടാക്കി മുതലെടുപ്പ് രാഷ്ട്രീയം നടത്താനുള്ള ശ്രമമാണ് നടത്തുന്നത് എന്നും വി ഡി സതീശൻ പറഞ്ഞു .
https://www.facebook.com/Malayalivartha
