കേരളത്തില് വികസനം കൊണ്ടുവരാന് മാറി മാറി ഭരിച്ച സര്ക്കാരുകള് തയ്യാറായില്ല; വികസിത ഭാരതത്തോടെപ്പം വികസിത കേരളവും സാധ്യമാക്കുമെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര്
വികസിത ഭാരതത്തോടെപ്പം വികസിത കേരളവും സാധ്യമാക്കുമെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് എന്നാല് എന്ഡിഎയുടെ ലക്ഷ്യം ഇനി വികസന കേരളമാണെന്നും അദ്ദേഹം പറഞ്ഞു.
കേരളത്തില് നടക്കുന്നത് പ്രീണന രാഷ്ട്രീയമാണ്. ഇരുമുന്നണികളും അത് മാറി മാറി ഉപയോഗിക്കുകയാണ്. മുനമ്പം വിഷയത്തില് സിപിഎമ്മും കോണ്ഗ്രസും ഒളിച്ചുകളി നടത്തി. എന്നാല് പരിഹാരം കാണാന് ശ്രമിച്ചത് മോദി സര്ക്കാര് മാത്രമാണ്. രാഷ്ട്രീയം നോക്കാതെ വഖഫ് ബില്ല് എന്ഡിഎ സര്ക്കാര് പാസാക്കി. ഇതിനെതിരെയും ഇരുമുന്നണികളും പ്രതിഷേധിക്കുകയാണ്. ദിവസവും ഇതിനെക്കുറിച്ചുള്ള ചര്ച്ചകളാണ് നടക്കുന്നത്.
എന്നാല് നിക്ഷേപം, തൊഴില്, വികസനം, പുരോഗതി എന്നിവയില് ഇരുമുന്നണികള്ക്കും മിണ്ടാട്ടമില്ല. കേരളത്തില് മുഖ്യമന്ത്രിക്കെതിരെ ദിവസവും അഴിമതിയുടെ കഥകള് പുറത്തുവരുന്നു. കള്ളപ്പണമിടപാട് നടത്തിയിട്ട് നികുതി അടച്ചാല് പ്രശ്നം തീരുമോയെന്നും രാജീവ് ചന്ദ്രശേഖര് ചോദിച്ചു. മാറ്റത്തിന് എന്ഡിഎ അധികാരത്തില് വരണമെന്ന് തെളിഞ്ഞതാണ്. മാറ്റം കൊണ്ടുവരാന് പ്രവര്ത്തകര് ഒറ്റക്കെട്ടായി നില്ക്കണമെന്നും അദ്ദേഹം പറഞ്ഞു.
https://www.facebook.com/Malayalivartha
