കേരളത്തിലെ എല്ലാവരോടും ഞാന്‍ ക്ഷമ ചോദിക്കുന്നു; എന്റെ ഭാഗത്തിന്ന് ഒരു തെറ്റ് പറ്റി പോയി; എന്റെ അറിവില്ലായ്മകൊണ്ട് പറ്റിപോയതാണ്; എന്നോട് ക്ഷമിച്ചു തരണം എന്ന് ഞാന്‍ അപേക്ഷിക്കുന്നു; ക്ഷമാപണവുമായി യുവാവ് രംഗത്ത്; വീഡിയോ കാണാം
ഫെയ്‌സ്ബുക്കില്‍ അശ്ലീല കമന്റിട്ട് കുപ്രസിദ്ധനായ യുവാവിനെ ജോലി ചെയ്തുകൊണ്ടിരുന്ന സ്ഥാപനത്തില്‍ നിന്ന് ലുലു ഗ്രൂപ്പ് പിരിച്ചു വിട്ട വാര്‍ത്ത സോഷ്യല്‍ മീഡിയയില്‍ ഏറെ വിമര്‍ശനങ്ങള്‍ നേടിയിരുന്നു. തുടര്‍ന്ന മാനിലെ ബോഷര്‍ ലുലുവില്‍ ജോലി ചെയ്യുന്ന കോഴിക്കോട് നരിക്കുനി സ്വദേശി രാഹുല്‍ സിപി പുത്തലാത്തിനെ ലുലു ഗ്രൂപ്പ് പിരിച്ചു വിട്ടതായും അറിയിച്ചിരുന്നു ഇതിനു പിന്നാലെ ക്ഷമാപണവുമായി രംഗത്തെത്തിയിരിക്കുകയാണ് യുവാവ്. കേരളത്തിലെ എല്ലാവരോടും ഞാന്‍ ക്ഷമ ചോദിക്കുന്നു; എന്റെ ഭാഗത്തിന്ന് ഒരു തെറ്റ് പറ്റി പോയി; എന്റെ അറിവില്ലായ്മകൊണ്ട് പറ്റിപോയതാണ്; എന്നോട് ക്ഷമിച്ചു തരണം എന്ന് ഞാന്‍ അപേക്ഷിക്കുന്നു എന്നാണ് യുവാവ് വീഡിയോയിലൂടെ അപേക്ഷിക്കുന്നത്.
കഴിഞ്ഞ ദിവസമാണ് ദുരിതാശ്വാസ ക്യാമ്പുകളിലേയ്ക്ക് സാനിട്ടറി നാപ്കിന്‍ വേണമെന്ന പോസ്റ്റിനു താഴെ, നാപ്കിനുകള്‍ക്കൊപ്പം ഗര്‍ഭനിരോധന ഉറകളും അയയ്ക്കണമെന്നാണ് യുവാവ് കമന്റിട്ടത്. ഇതിനെതിരെ സോഷ്യല്‍ മീഡിയയില്‍ വന്‍ പ്രതിഷേധമായിരുന്നു. സംഭവം വിവാദമായതോടെ താന്‍ മദ്യലഹരിയില്‍ ചെയ്തതാണെന്ന് യുവാവ് പറഞ്ഞു. പക്ഷേ ലുലു ഗ്രൂപ്പിന്റെ പേജില്‍ രാഹുലിനെ പിരിച്ചു വിടണമെന്നാവശ്യം ശക്തമായതോടെ ജീവനക്കാരനെ പിരിച്ചു വിട്ടതായി അധികൃതര്‍ അറിയിക്കുകയായിരുന്നു.
കേരളത്തില്‍ പ്രളയം ദുരിതം വിതച്ചപ്പോള്‍ അവഹേളനപരമായ കമന്റുകളിട്ടത് അംഗീകരിക്കാനാവില്ലെന്ന് ലുലു ഗ്രൂപ്പ് അറിയിച്ചു. ഇത്തരത്തിലുള്ള പ്രവര്‍ത്തികള്‍ ലുലു ഗ്രൂപ്പ് ഒരിക്കലും അംഗീകരിക്കില്ല. മാത്രമല്ല തങ്ങളുടെ സംസ്‌കാരത്തിനും മൂല്യത്തിനും ചേര്‍ന്നതുമല്ല. പ്രളയത്തിലകപ്പെട്ടവരെ സഹായിക്കാനാണ് ലുലു ഗ്രൂപ്പും തങ്ങളുടെ സിഎംഡി യൂസഫലിയും ശ്രമിക്കുന്നതെന്നും കമ്പനി പറഞ്ഞു.
പ്രളയക്കെടുതിക്കിടെ അശ്ലീല കമന്റിട്ട ജീവനക്കാരനെ ലുലു ഗ്രൂപ്പ് പിരിച്ചു വിട്ടു; ഈ അവസ്ഥയിലും എങ്ങനെയാണ് ഇതുപോലെ പ്രതികരിക്കാനാകുന്നു എന്ന് സോഷ്യല്‍ മീഡിയ.
https://www.facebook.com/Malayalivartha
