എയര്ഇന്ത്യ ഹാജിമാരുടെയും വഴിമുടക്കി
പ്രവാസികളെ നിരന്തരമായി ദുരിതത്തിലാഴ്ത്തുന്ന എയര് ഇന്ത്യ ഇപ്പോള് ഹാജിമാരേയും വലച്ചു. ഹാജിമാരെയും കൊണ്ട് തിരികെ പറക്കുന്ന എയര് ഇന്ത്യാ വിമാനം കൃത്യ സമയത്തു വരാത്തതും ഹാജിമാരെയും കൊണ്ട് കൃത്യസമയത്ത് പോകാത്തതും ഒട്ടേറെ ഹാജിമാരെ വളരെ കഷ്ടത്തിലാക്കി. ഹജ്ജ് കര്മ്മം കഴിഞ്ഞ് തിരികെ ജിദ്ദാ രാജ്യാന്തര വിമാനത്താവളം വഴി നാടുകളിലേയ്ക്കു പോകേണ്ട നിരവധി ഹാജിമാരാണ് എയര്ഇന്തൃയുടെ അലംഭാവത്തില് അവിടെ കുടുങ്ങിപോയത്.
കഴിഞ്ഞ 25നും 26നും ജിദ്ദയില്നിന്നും ഹാജിമാരെയും കൊണ്ട് പുറപ്പെടേണ്ടിയിരുന്ന വിമാനം അകാരണമായി വൈകിയത് ഹാജിമാരെ കഷ്ടത്തിലാക്കിയിരുന്നു. 25ന് രാത്രി 09:15 ന് അസമിലെ ഗുവാഹത്തിയിലേക്കുള്ള എയര് ഇന്തൃാ വിമാനത്തില് യാത്ര തിരിക്കാനായി ഹാജിമാരെ മക്കയില് നിന്ന് രാവിലെ 11ന് തന്നെ ജിദ്ദാ ഹജ് ടെര്മിനലില് കൊണ്ടുവന്നിരുന്നു. ഹജ്ജ് ടെര്മിനലില് എത്തിയ ശേഷമാണ് ഹാജിമാരോട് തിരിച്ചുപോകേണ്ട വിമാനം എത്തിയില്ല എന്ന് അധികൃതര് അറിയിക്കുന്നത്. തുടര്ന്ന് ഹാജിമാരെ ജിദ്ദയിലെ സിത്തീന് റോഡിലുള്ള ഹുഫൂഫ് ഹോട്ടലിലേക്ക് മാറ്റി. വിമാനം എത്തുന്ന വിവരമനുസരിച്ച് ഹജ്ജ് ടെര്മിനലിലേക്ക് തിരികെ കൊണ്ടുപോകുമെന്നറിയിച്ച് ശനി, ഞായര്, തിങ്കള് ദിവസങ്ങള് മുഴുവന് ഹോട്ടലില് താമസിപ്പിച്ചശേഷം ചൊവ്വാഴ്ച രാവിലെയായിരുന്നു വിമാനമെത്തിയ ശേഷം വീണ്ടും ഹജ്ജ് ടെര്മിനലിലേക്ക് കൊണ്ടുപോവുകയും തുടര്ന്ന് ഉച്ചയോടെ നാട്ടിലേക്ക് യാത്രയാക്കിയതും. ഇരുന്നൂറോളം ഹാജിമാരായിരുന്നു പ്രസ്തുത വിമാനത്തില് യാത്രക്കാരായുണ്ടായിരുന്നത്.
അതേ പോലെ 26ന് ഗോവ, ഗുവാഹത്തി എന്നിവിടങ്ങളിലേക്ക് എയര് ഇന്തൃയുടെ എഐ 5234 എന്ന വിമാനത്തില് പോകേണ്ടിയിരുന്ന ഹാജിമാരുടെ വിമാനവും എത്താത്തതിനാല് ഹാജിമാര് നിരാശരാകേണ്ടിവന്നു. രണ്ട് എംബാര്ക്കുമെന്റുകളിലേക്കും യാത്ര ചെയ്യേണ്ടിയിരുന്ന 270 ഹാജിമാരാണ് വിമാനം വരാത്തതിനാല് കഷ്ടത്തിലായത്. ഹാജിമാരില് ഭൂരിഭാഗവും സ്ത്രീകളായിരുന്നു. രാവിലെ പതിവുപോലെ മക്കയില് നിന്ന് ബസ് മാര്ഗം ജിദ്ദാ ഹജു ടെര്മിനലില് എത്തിയപ്പോഴാണ് വിമാനമില്ലെന്നറിയിച്ചത്.
തുടര്ന്ന് ഉച്ചയ്ക്ക് 2.30-ന് ഹാജിമാരെ ഷറഫിയ്യയിലുള്ള കിനാന ഹോട്ടലില്(പഴയ സഫാരി ഹോട്ടല്) താമസിപ്പിച്ചു. ഇവിടെയാകട്ടെ അരമണിക്കൂര് ഇടവിട്ട് വെള്ളം ലഭ്യമാകാത്ത ഹോട്ടല് മുറിയായിരുന്നു ഹാജിമാര്ക്ക് ലഭിച്ചത്. വിമാനം എന്ന് വരുമെന്ന അറിയിപ്പ് നല്കാതെ പ്രയാസത്തിലാക്കിയ ഹാജിമാര്ക്ക് ജിദ്ദയിലെ ബട്ക്കല് മുസ്ലിം അസോസിയേഷന്(ബിഎംഎ) എന്ന സംഘടനയാണ് അതൃാവശ്യ സഹായത്തിനും ഹജുമിഷന് അധികൃതരെ ബന്ധപ്പെടാനുമായി ഉണ്ടായിരുന്നത്. ബിഎംഎ ഭാരവാഹികളായ ഹബീബുല്ല മുഹ്റഷാമിന്റെ നേതൃത്വത്തിലുള്ള സന്നദ്ധ പ്രവര്ത്തകര് ഹജുമിഷന് അധികൃതരുമായും എയര് ഇന്ത്യ ഓഫീസുമായും നിരന്തരം ബന്ധപ്പെട്ടതിന്റെ ഫലമായി ഇന്നലെ രാത്രി(ചൊവ്വ) പത്തോടെ ബസുകളില് ജിദ്ദാ ഹജ് ടെര്മിനലില് എത്തിക്കുകയും രാത്രി രണ്ടോടെ വിമാനം പുറപ്പെടുകയും ചെയ്തു.
മറ്റ് വിമാനക്കമ്പനികള് ഹാജിമാരുടെ കാര്യത്തില് അതീവ ശ്രദ്ധ പുലര്ത്തുമ്പോഴാണ് എയര് ഇന്ത്യ തങ്ങളുടെ സ്വന്തം രാജ്യക്കാരായ ഹാജിമാരോട് ഇങ്ങനെ പെരുമാറുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
