ദുബായ് തീരത്തേക്ക് കപ്പലുകള് അടുപ്പിക്കുന്നതില് ആശയക്കുഴപ്പം; പുറം കടലില് ഇന്ത്യന് യുദ്ധക്കപ്പലുകള്; ഞങ്ങള്ക്ക് സമയം തരണമെന്ന് യുഎഇ; നാവികസേനയുടെ രണ്ട് യുദ്ധക്കപ്പലുകളാണ് വന്ദേഭാരത് മിഷന്റെ ഭാഗമായി കുടുങ്ങിക്കിടക്കുന്നത്
1990ലെ കുവൈത്ത് ഒഴിപ്പിക്കലിന് ശേഷമുള്ള ഏറ്റവും വലിയ പ്രവാസി ദൗത്യത്തിലേക്ക് ഇന്ത്യ കടന്നിരിക്കുകയാണ് ഈ സാഹചര്യത്തില് തങ്ങള്ക്ക കൂടുതല് സമയം വേണമെന്ന് ആവശ്യപ്പെട്ടിരിക്കു കൊവിഡ് പ്രതിസന്ധി കാരണം കുടുങ്ങി പോയ പ്രവാസികളെ മടക്കി കൊണ്ടു വരാനായി പുറപ്പിട്ട ഇന്ത്യന് നാവികസേനയുടെ കപ്പലുകള് ദുബായ് തീരത്ത് അടുപ്പിക്കുന്നതില് ആശയക്കുഴപ്പം. കപ്പലുകള് വ്യാഴാഴ്ച ദുബായില് എത്തും എന്നായിരുന്നു നേരത്തെയുണ്ടായിരുന്ന അറിയിപ്പെങ്കിലും ഇക്കാര്യം ഇപ്പോള് സ്ഥിരീകരിക്കാനാവില്ലെന്നാണ് കേന്ദ്രസര്ക്കാര് വൃത്തങ്ങള് പറയുന്നത്.
കപ്പലുകള് ദുബായ് തുറമുഖത്ത് പ്രവേശിപ്പിക്കാനുള്ള സജ്ജീകരണങ്ങള് പൂര്ത്തിയായിട്ടില്ലെന്നും ഇതിനായി കുറച്ചു സമയം കൂടി വേണമെന്നും യുഎഇ സര്ക്കാര് ഇന്ത്യയെ അറിയിച്ചതായാണ് സൂചന. കരയ്ക്ക് അടുപ്പിക്കാന് യുഎഇ സര്ക്കാരിന്റെ അനുമതി കിട്ടാത്തത് കാരണം കപ്പലുകള് ഇപ്പോഴും കടലില് തന്നെ തുടരുകയാണ് എന്നാണ് വിവരം. കപ്പലുകള് ഇറാന് തീരത്തേക്ക് വഴി തിരിച്ചു വിട്ടേക്കാമെന്നും റിപ്പോര്ട്ടുകളുണ്ട്.
നാവികസേനയുടെ രണ്ട് യുദ്ധക്കപ്പലുകളാണ് വന്ദേഭാരത് മിഷന്റെ ഭാഗമായി യുഎഇയില് കുടുങ്ങിയവരെ തിരിച്ചെത്തിക്കാനായി പുറപ്പെട്ടത്. ഒരോ കപ്പലിലും മുന്നൂറ് പേരെ വീതം തിരികെയെത്തിക്കാനാവും എന്നാണ് പ്രതീക്ഷിക്കുന്നത്.
ആദ്യ ആഴ്ച വിദേശരാജ്യങ്ങളില്നിന്ന് ഇന്ത്യയിലെത്തുന്നത് 14,800 പ്രവാസികളാണ്. 64 വിമാനങ്ങളില് 12 രാജ്യങ്ങളില്നിന്ന് ഇന്ത്യയിലെ പത്തു സംസ്ഥാനങ്ങളിലേക്കാണ് ഇവരെ കൊണ്ടുവരുന്നത്. വന്ദേഭാരത് മിഷന് എന്നാണ് കേന്ദ്ര സര്ക്കാര് ഈ ദൗത്യത്തിന് പേരിട്ടിരിക്കുന്നത്. 1990-ല് കുവൈത്ത് ആക്രമണത്തെ തുടര്ന്ന് 1.7 ലക്ഷം പേരെയാണ് ഇന്ത്യ വിമാനമാര്ഗം ഒഴിപ്പിച്ചത്.
കപ്പല്മാര്ഗവും പ്രവാസികളെ തിരിച്ചെത്തിക്കുന്നുണ്ട്. നാവികസേന ദൗത്യം ഇതിനോടം തുടങ്ങി കഴിഞ്ഞു. മാലദ്വീപിലേക്കും ദുബായിലേക്കും നാവികസേനയുടെ കപ്പലുകള് ഇതിനോടകം പുറപ്പെട്ടുകഴിഞ്ഞു. സമുദ്രസേതു എന്ന കപ്പല് മാര്ഗം പ്രവാസികളെ ഒഴിപ്പിക്കുന്ന ദൗത്യത്തിന് നാവികസേന ഇട്ടിരിക്കുന്ന പേര്.
വിമാനത്തില് ആദ്യ ആഴ്ചയിലെത്തുന്നവരിധകവും കേരളത്തിലേക്കാണ് -3150 പേര്. പ്രവാസികളുടെ മടക്കത്തിനായി കേന്ദ്രസര്ക്കാര് ഒരുക്കങ്ങള് പൂര്ത്തിയാക്കിയതായി വിദേശകാര്യസഹമന്ത്രി വി. മുരളീധരന് പറഞ്ഞു.
വ്യാഴാഴ്ച മുതലാണ് പ്രവാസികള് എത്തിത്തുടങ്ങുക.വ്യാഴാഴ്ചമുതല് 13 വരെയുള്ള ആദ്യ ആഴ്ച ഏഴു രാജ്യങ്ങളില്നിന്നുള്ള 15 വിമാനസര്വീസുകള് കേരളത്തിലേക്കാണ്. കൊച്ചി, കോഴിക്കോട്, തിരുവനന്തപുരം വിമാനത്താവളങ്ങളിലേക്കാണിവ. വ്യാഴാഴ്ച 10 വിമാനങ്ങളിലായി 2300 പ്രവാസികളെത്തും. യു.എ.ഇ. (രണ്ടുവിമാനങ്ങള്), ഖത്തര്, സൗദി അറേബ്യ (ഓരോ വിമാനങ്ങള്) എന്നിവിടങ്ങളില്നിന്ന് 800 മലയാളികളെത്തും. അബുദാബി-കൊച്ചി, ദുബായ്-കോഴിക്കോട്, റിയാദ്-കോഴിക്കോട്, ദോഹ-കൊച്ചി റൂട്ടുകളിലാണു സര്വീസ്. ഓരോ വിമാനത്തിലും 200 വീതം യാത്രക്കാരാണുണ്ടാവുക
https://www.facebook.com/Malayalivartha