അബുദാബിയിലെ പൊതുഇടങ്ങളില്‍ പ്രവേശിക്കാന്‍ ഗ്രീന്‍ പാസ് വേണം എന്ന തീരുമാനം റദ്ദാക്കി അധികൃതര്‍: പുതിയ തീരുമാനം തല്‍ക്കാലത്തേക്ക്
തല്‍ക്കാലം നടപ്പിലാക്കുന്നില്ല... ആ തീരുമാനം റദ്ദാക്കി അബുദാബി...അബുദാബിയിലെ ഷോപ്പിങ് മാളുകള്‍, വലിയ സൂപ്പര്‍മാര്‍ക്കറ്റുകള്‍, റസ്റ്ററന്റുകള്‍, ബീച്ചുകള്‍ എന്നിവയടക്കമുള്ള പൊതുസ്ഥലങ്ങളില്‍ പ്രവേശിക്കാന്‍ 'ഗ്രീന്‍ പാസ്' നിര്‍ബന്ധമാക്കിക്കൊണ്ട് അറിയിപ്പ് ഇറക്കിയിരുന്നു.
എന്നാല്‍ ഇപ്പോള്‍ താത്കാലികമായി ആ തീരുമാനം റദ്ദാക്കി. ഗ്രീന്‍ പാസ് പ്രദര്‍ശിപ്പിക്കേണ്ട അല്‍ ഹൊസന്‍ ആപ്പില്‍ സാങ്കേതിക തകരാറുകള്‍ കണ്ടെത്തി. അതിനെ തുടര്‍ന്നാണ് തീരുമാനം റദ്ദാക്കിയതെന്ന് ദേശീയ അടിയന്തര ദുരന്ത നിവാരണ സമിതി വ്യക്തമാക്കിയിരിക്കുന്നത് . ഈയൊരു സാഹചര്യത്തില്‍ പൊതുജനങ്ങള്‍ക്കുണ്ടായ ബുദ്ധിമുട്ടില്‍ അവര്‍ ഖേദം പ്രകടിപ്പിക്കുകയും ചെയ്തു.
കോവിഡ് വ്യാപനം തടയുക എന്ന ലക്ഷ്യത്തോടെയായിരുന്നു ഈ മാസം 15 മുതല്‍ ഗ്രീന്‍ പാസ് നിലവില്‍ വന്നത്. ഇതിന് ശേഷം ആളുകള്‍ കൂട്ടത്തോടെ ആപ്പ് ഡൗണ്‍ലോഡ് ചെയ്യാന്‍ വെപ്രാളം കൂട്ടി. അതുകൊണ്ടുതന്നെ ചില പ്രശ്‌നങ്ങളുണ്ടായതായി അധികൃതര്‍ സ്ഥിരീകരിച്ചിരുന്നു.
എത്രയും പെട്ടെന്ന് ആപ്പ് പ്രവര്‍ത്തനനിരതമാക്കാനുള്ള ശ്രമങ്ങള്‍ തുടരുകയാണ്. അതു നടക്കുന്നതുവരെ, പിസിആര്‍ പരിശോധനാ നെഗറ്റീവ് ഫലം അറിയിച്ച എസ്എംഎസ് സന്ദേശം പ്രദര്‍ശിപ്പിച്ചാല്‍ മതിയാകുമെന്നും അധികൃതര്‍ അറിയിച്ചു.
പ്രതിരോധ കുത്തിവയ്പ് (വാക്‌സീന്‍) രണ്ടു ഡോസും എടുത്തവരും ആര്‍ടിപിസിആര്‍ പരിശോധനയില്‍ നെഗറ്റീവായവരും അല്‍ ഹൊസന്‍ ആപ്പില്‍ ഗ്രീന്‍ പാസ് പ്രദര്‍ശിപ്പിച്ച ശേഷമേ പൊതുസ്ഥലങ്ങളില്‍ പ്രവേശിക്കാന്‍ അനുവദിച്ചിരുന്നുള്ളൂ
. എല്ലാവരും കോവിഡ് നെഗറ്റീവ് ഉറപ്പാക്കിയവരാണെന്നതിനാല്‍ മാളുകളിലും മറ്റും പ്രവേശിച്ചവര്‍ തികഞ്ഞ ആത്മവിശ്വാസത്തോടെയാണ് മണിക്കൂറുകളോളം ചെലവഴിച്ചത് എന്നകാര്യം ശ്രദ്ധേയം.
അല്‍ ഹൊസന്‍ ആപ്പിലൂടെ ഗ്രീന്‍ പാസ് പ്രദര്‍ശിപ്പിച്ചവരെ മാത്രമേ മാളുകളിലും ഹൈപ്പര്‍മാര്‍ക്കറ്റ്, വലിയ സൂപ്പര്‍ മാര്‍ക്കറ്റുകളിലും പ്രവേശിപ്പിച്ചിരുന്നുള്ളൂ. മിനി സൂപ്പര്‍മാര്‍ക്കറ്റുകളില്‍ പ്രവേശനത്തിനും ഗ്രീന്‍ പാസ് വേണ്ടി വന്നതായി ചിലര്‍ വെളിപ്പെടുത്തിയിരുന്നു . എന്തായാലും ഈ തീരുമാനം റദ്ദാക്കിയിരിക്കുകയാണ്.
എന്നാല്‍ , ഗ്രീന്‍ പാസ് നിയമം നിലവില്‍ വന്നതോടെ പലരും തങ്ങളുടെ മൊബൈലില്‍ അല്‍ ഹൊസന്‍ ആപ്പ് ഡൗണ്‍ലോഡ് ചെയ്യാന്‍ ശ്രമിച്ചിരുന്നു . കാര്യമറിയാതെ മാളുകളിലും ഹൈപ്പര്‍മാര്‍ക്കറ്റുകളിലും റസ്റ്ററന്റുകളിലുമൊക്കെ എത്തിയവര്‍ കവാടത്തിനരികെ നിന്ന് ആപ്പ് ഡൗണ്‍ ലോഡ് ചെയ്യുന്ന അവസ്ഥ വരെ ഉണ്ടായിട്ടുണ്ടായിരുന്നു.
"
https://www.facebook.com/Malayalivartha
