കുവൈത്തിലേക്ക് ഇന്ത്യയില്‍ നിന്നുള്ള നഴ്‌സിങ് റിക്രൂട്ട്‌മെന്റുകള്‍ ഇനി മുതല്‍ അംഗീകൃത ഏജന്‍സികള്‍ വഴിമാത്രം
കുവൈത്തിലേക്ക് ഇന്ത്യയില്‍ നിന്നുള്ള നഴ്‌സിങ് റിക്രൂട്ട്‌മെന്റുകള്‍ ഇനി മുതല്‍ കേന്ദ്ര സര്‍ക്കാര്‍ നിര്‍ദേശിച്ചിട്ടുള്ള ഏജന്‍സികള്‍ വഴി മാത്രം. ഇന്നലെ രാവിലെയാണു കുവൈത്ത് ആരോഗ്യ മന്ത്രാലയവും ഇന്ത്യന്‍ എംബസി അധികൃതര്‍ ചേര്‍ന്നു ധാരണാ പത്രം ഒപ്പുവച്ചത്. നഴ്‌സിങ് റിക്രൂട്ട്‌മെന്റ് സംബന്ധിച്ച് മാസങ്ങള്‍ക്ക് മുമ്പ് നല്‍കിയ നിര്‍ദേശങ്ങളാണു നടപ്പിലായത്.
ഇന്ത്യന്‍ സ്ഥാനപതി സുനില്‍ ജെയിന്‍, ആരോഗ്യ മന്ത്രാലയം അണ്ടര്‍ സെക്രട്ടറി ജമാല്‍ അല്‍ ഹര്‍ബി, അസിസ്റ്റന്റ് അണ്ടര്‍ സെക്രട്ടറി മുഹമൂദ് അല്‍ അബ്ദുള്‍ ഹാജ്‌രി എന്നിവരാണു കരാറില്‍ ഒപ്പുവച്ചത്. ഇന്ത്യയില്‍നിന്ന് ഇനിമുതല്‍ കേന്ദ്രസര്‍ക്കാര്‍ നിയമിച്ച മൂന്ന് സ്ഥാപനങ്ങളിലൂടെ മാത്രമേ നഴ്‌സിങ് റിക്രൂട്ട്‌മെന്റുകള്‍ സാധിക്കു.
കേരളത്തിലെ നോര്‍ക്ക റൂട്ട്‌സ്, ഓവര്‍സീസ് ഡെവലപ്‌മെന്റ് ആന്‍ഡ് എംപ്ലോയ്‌മെന്റ് പ്രമോഷന്‍ കണ്‍്‌സള്‍ട്ടന്റ് (ഒഡപെക്), തമിഴ്‌നാട്ടിലെ ഓവര്‍സീസ് മാന്‍ പവര്‍ കണ്‍സള്‍ട്ടന്‍സി എന്നീ മൂന്നു സ്ഥാപനങ്ങള്‍ക്കാണ് അനുമതി ലഭിച്ചത്. പുതിയ കരാര്‍ പ്രകാരം വിസ, വൈദ്യപരിശോധന തുടങ്ങിയവയുടെ ചെലവുകള്‍ തൊഴിലുടമ വഹിക്കണം. റിക്രൂട്ട്‌മെന്റ് ഫീസായ 20,000 രൂപ ഉദ്യോഗാര്‍ഥിയാണു മുടക്കേണ്ടത്. നഴ്‌സിങ് റിക്രൂട്ട്‌മെന്റുമായി ബന്ധപ്പെട്ടു ഗുരുതര സാമ്പത്തികപ്രശ്‌നങ്ങളുണ്ടായ സാഹചര്യത്തിലാണു കേന്ദ്രസര്‍ക്കാര്‍ പുതിയ നിബന്ധനകള്‍ കൊണ്ടുവന്നത്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
