സൗദിയിലെ വാഹനാപകടത്തില് തിരുവമ്പാടി സ്വദേശിയായ യുവാവിന് ദാരുണാന്ത്യം.. മൃതദേഹം നാട്ടിലെത്തിക്കാനുള്ള ശ്രമങ്ങള് നടന്നു വരുന്നതായി ബന്ധുക്കള്
സൗദി അറേബ്യയുടെ വടക്കുപടിഞ്ഞാറന് മേഖലയിലെ തബൂക്കിനടുത്ത് ദുബയിലുണ്ടായ വാഹനാപകടത്തില് മലയാളി യുവാവിന് ദാരുണാന്ത്യം. കോഴിക്കോട് തിരുവമ്പാടി പെരുമാലിപ്പടി ഓത്തിക്കല് ജോസഫിന്റെയും ബോബിയുടേയും മകന് ഷിബിന് ജോസഫ് (30) ആണ് മരിച്ചത്.
ചൊവ്വാഴ്ച വൈകുന്നേരം തബൂക്ക് - യാംബു റോഡില് ദുബ എന്ന സ്ഥലത്ത് വെച്ച് ഇദ്ദേഹം സഞ്ചരിച്ചിരുന്ന വാഹനത്തില് ട്രക്ക് വന്നിടിച്ചായിരുന്നു അപകടം സംഭവിച്ചത്. ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
തബൂക്ക് ആസ്ട്ര കമ്പനിയിലെ ബേക്കറി വിഭാഗത്തില് ജോലിചെയ്തിരുന്ന ഇദ്ദേഹം തമ്പലമണ്ണ ചക്കുംമൂട്ടില് കുടുംബാംഗമാണ്. ഭാര്യ: ഡോണ (നഴ്സ്, ഇ.എം.എസ് സഹകരണ ആശുപത്രി മുക്കം). സഹോദരങ്ങള് - ഷിനി, ഷിന്റോ. ദുബ ജനറല് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നടപടികള് പൂര്ത്തിയാക്കിയ ശേഷം നാട്ടിലെത്തിക്കും.
https://www.facebook.com/Malayalivartha
