കണ്ണീര്‍ക്കാഴ്ചയായി.... വടകരയില്‍ ബൈക്കില്‍ ലോറിയിടിച്ച് പ്രവാസിയായ യുവാവിന് ദാരുണാന്ത്യം..വടകര താഴെ അങ്ങാടി മുക്കോലഭാഗം വൈദ്യരവിട ഹസീബാണ് (41) മരിച്ചത്.


ദേശീയപാതയില്‍ ചോറോട് ഓവര്‍ബ്രിഡ്ജിനു സമീപത്തായി ഇന്നലെ രാവിലെ പതിനൊന്നരയോടെയായിരുന്നു അപകടം നടന്നത്. ഹസീബ് സഞ്ചരിച്ച ബൈക്കില്‍ ലോറി ഇടിക്കുകയായിരുന്നു.

ഗുരുതരമായി പരിക്കേറ്റ ഹസീബ് സംഭവസ്ഥലത്ത് വച്ച് തന്നെ മരണമടഞ്ഞു. മൂന്നാഴ്ച മുമ്പ് വിദേശത്ത് നിന്നെത്തിയ ഹസീബ് അടുത്ത മാസം തിരികെ പോകാനിരിക്കെയാണ് സംഭവം.
മാഹിയിലെ ഭാര്യ വീട്ടില്‍ നിന്ന് മടങ്ങി വരുമ്പോഴായിരുന്നു അപകടം നടന്നത്. മൃതദേഹം വടകരയിലെ ജില്ലാ ആശുപത്രി മോര്‍ച്ചറിയിലേക്ക് മാറ്റി. വടകര പൊലീസ് സ്ഥലത്തെത്തി ഇന്‍ക്വസ്റ്റ് തയ്യാറാക്കിയിട്ടുണ്ട്.