സ്പോണ്സറുടെ മകന് പീഡിപ്പിച്ച് ഗര്ഭിണിയാക്കിയ വീട്ടുജോലിക്കാരിക്ക് വന്തുക നഷ്ടപരിഹാരം
കുവൈത്തില് സ്പോണ്സറുടെ മകന് പീഡിപ്പിച്ച് ഗര്ഭിണിയാക്കിയ വീട്ടുജോലിക്കാരിക്ക് വന്തുക നഷ്ടപരിഹാരം നല്കാന് കോടതി വിധിച്ചു. ശ്രീലങ്കന് സ്വദേശിയായ 32കാരിയാണ് പീഡനത്തിനിരയായത്. യുവതി ഗര്ഭിണിയായ വിവരമറിഞ്ഞ സ്പോണ്സര് ഡോക്ടറെ വീട്ടിലെത്തിച്ച് യുവതിയെ ഗര്ഭച്ഛിദ്രം നടത്തുകയും . ഇക്കാര്യം പുറത്തറിയിക്കരുതെന്ന് ഭീഷണിപ്പെടുത്തുകയും ചെയ്തു.
ഗര്ഭച്ഛിദ്രം നടത്തിയതിനെ തുടര്ന്ന് ആരോഗ്യസ്ഥിതി വഷളായ യുവതിയെ തൊഴിലുടമ നാട്ടിലേക്ക് വിടുന്നതിനായി വിമാനത്താവളത്തിലെത്തിച്ചു. എന്നാല് ആരോഗ്യനില വഷളായതിനെ തുടര്ന്ന് യുവതിയെ വിമാനത്തില് കയറ്റാന് അധികൃതര് വിസമ്മതിച്ചു.
ഇക്കാര്യം കുവൈറ്റിലെ ശ്രീലങ്കന് എംബസിയെ അറിയിക്കുകയും ചെയ്തു. വിഷയത്തില് ഇടപെട്ട ശ്രീലങ്കന് എംബസി തൊഴിലുടമയ്ക്കെതിരെ കേസ് കൊടുത്തു. തുടര്ന്നാണ് യുവതിക്ക് 21000 അമേരിക്കന് ഡോളറിന് തുല്യമായ തുക (68 ലക്ഷം ശ്രീലങ്കന് രൂപ) നഷ്ടപരിഹാരമായി നല്കാന് കോടതി വിധിച്ചത്.
https://www.facebook.com/Malayalivartha
