ഊര്ജമേഖലയില് സഹകരണത്തിനും ഉഭയകക്ഷി നിക്ഷേപം പ്രോത്സാഹിപ്പിക്കുന്നതിനുമുള്ള കരാറില് ഒപ്പുവച്ച് ഇന്ത്യയും സൗദി അറേബ്യയും....
ഊര്ജമേഖലയില് സഹകരണത്തിനും ഉഭയകക്ഷി നിക്ഷേപം പ്രോത്സാഹിപ്പിക്കുന്നതിനുമുള്ള കരാറില് ഒപ്പുവച്ച് ഇന്ത്യയും സൗദി അറേബ്യയും. കേന്ദ്ര ഊര്ജ്ജമന്ത്രി ആര് കെ സിങും സൗദി അറേബ്യന് ഊര്ജമന്ത്രി അബ്ദുല് അസീസ് ബിന് സല്മാന് അല്-സൗദുമാണ് കരാറില് ഒപ്പുവച്ചത്.
ധാരണപത്രം അനുസരിച്ച് പുനരുപയോഗ ഊര്ജം, ഊര്ജ കാര്യക്ഷമത, വൈദ്യുതി, പെട്രോളിയം, പ്രകൃതിവാതകം, ഊര്ജ സുരക്ഷ എന്നീ മേഖലകളില് ഇരു രാജ്യങ്ങളും സഹകരിക്കും.
അതു കൂടാതെ, പുനരുപയോഗ ഊര്ജമടക്കമുള്ള മേഖലകളില് ഉഭയകക്ഷി നിക്ഷേപം പ്രോത്സാഹിപ്പിക്കും. കാലാവസ്ഥാ വ്യതിയാനത്തിന്റെ പ്രത്യാഘാതങ്ങള് കുറയ്ക്കുന്നതിനുള്ള ഇടപെടലുകളിലും സാങ്കേതികവിദ്യകളിലും ധാരണപത്രം ശ്രദ്ധ കേന്ദ്രീകരിക്കുകയും ചെയ്യുന്നു.
ഊര്ജമേഖലയില് ഡിജിറ്റല് പരിവര്ത്തനം, നവീകരണം, നിര്മിത ബുദ്ധി ഇടപെടല് എന്നിവ പ്രോത്സാഹിപ്പിക്കുകയും ചെയ്യും. ഊര്ജമേഖലയില് വിദഗ്ധരായ കമ്പനികളുമായുള്ള സഹകരണം ശക്തിപ്പെടുത്തുകയും ചെയ്യും.
ഊര്ജം, വിതരണ ശൃംഖലകള്, സാങ്കേതികവിദ്യകള് എന്നിവയുമായി ബന്ധപ്പെട്ട സാമഗ്രികള്, ഉല്പ്പന്നങ്ങള്, സേവനങ്ങള് എന്നിവ പ്രാദേശികവല്ക്കരിക്കാനായി സഹകരിച്ച് പ്രവര്ത്തിക്കുമെന്നും ധാരണപത്രത്തിലുണ്ട്.
"
https://www.facebook.com/Malayalivartha
