കള്ളത്തരത്തിലൂടേയും കൃത്രിമം നടത്തിയുമൊക്കെ കടൽക്കടന്ന കാലമൊക്കെ പണ്ട്. ഇന്ന് കടുത്ത സുരക്ഷ പരി‌ശോധനയിലൂടെ മാത്രമേ ഇവിടുന്ന് വിമാനം കയറ്റിവിടൂ. എന്നിട്ടു പോലും പാസ്പോർട്ടിൽ കൃത്രിമം കണിച്ചുംമറ്റും പലരും ഇതിനായി ശ്രമിക്കാറുണ്ട്. ഇത്തരത്തിൽ കടക്കാൻ ശ്രമിക്കുന്ന നിരവധി പേരാണ് വിമാനത്താവളത്തിൽവെച്ച് പിടിയിലാകുന്നത്. എന്നിട്ടും ഇതിൽ വലിയ മാറ്റമൊന്നും ഉണ്ടായിട്ടില്ല..

ഇപ്പോൾ ഗൾഫിലേക്ക് പോകാൻ വേണ്ടി നെടുമ്പാശേരി വിമാനത്താവളത്തിൽ എത്തിയ സ്ത്രീ പിടിയിലായ വാർത്തയാണ് പുറത്തുവരുന്നത്. അബുദാബിയിലേക്ക് പോകാന്‍ കൊച്ചി വിമാനത്താവളത്തിലെത്തിയ ഇവര്‍ എമിഗ്രേഷൻ വിഭാഗത്തിൽ വെച്ചാണ് പിടിയിലാകുന്നത്. പാസ്‍പോർട്ടിൽ കൃത്രിമം കാണിച്ച് കുറ്റത്തിനാണ് ഇവർ പിടികൂടിയത്. തമിഴ്നാട് തിരുകടയൂർ സ്വദേശിനി ഈശ്വരിയാണ് പോലീസ് അറസ്റ്റ് ചെയ്തത്.

ഇവർക്ക് 46 വയസുണ്ട്. സന്ദർശക വിസയിലാണ് ഈശ്വരി അബുദാബിയിലേക്ക് പോകാൻ വേണ്ടി എത്തിയിരുന്നത്. ഉദ്യോഗസ്ഥരുടെ പരിശോധനയിൽ ഇവരുടെ പാസ്‍പോർട്ടിലെ നാല് പേജുകൾ വെട്ടിമാറ്റിയതായി കണ്ടെത്തുകയായിരുന്നു. പിടികൂടിയ ഇവരെ ജില്ലാ ക്രൈം ബ്രാഞ്ച് വിശദമായി ചോദ്യം ചെയ്യുമെന്നാണ് അധികൃതർ അറിയിച്ചത്. ഇവരെ കൃത്യമായി ചോദ്യം ചെയ്താൽ മാത്രമേ മറ്റുവിവരങ്ങൾ അറിയാൻ സാധിക്കുകയുള്ളു. വരും ദിവസങ്ങളിൽ കൂടുതൽ വിവരങ്ങൾ പുറത്തുവരും.