ഇത്തവണയും മലയാളിത്തിളക്കം....സൗദിയിലെ പ്രവാസികള്ക്ക് അഭിമാനം പകര്ന്ന് സൗദി ദേശീയ ഗെയിംസില് കോഴിക്കോട് സ്വദേശിക്ക് സ്വര്ണമെഡല്
ഇത്തവണയും മലയാളിത്തിളക്കം....സൗദിയിലെ പ്രവാസികള്ക്ക് അഭിമാനം പകര്ന്ന് സൗദി ദേശീയ ഗെയിംസില് കോഴിക്കോട് സ്വദേശിക്ക് സ്വര്ണമെഡല്.
കോഴിക്കോട് കൊടുവള്ളി സ്വദേശിയായ ഖദീജ നിസയ്ക്കാണ് ബാഡ്മിന്റണില് സ്വര്ണമെഡല് ലഭിച്ചത്.
കഴിഞ്ഞ വര്ഷവും ഖദീജ നിസ സ്വര്ണമണിഞ്ഞിരുന്നു. റിയാദില് ജോലിചെയ്യുന്ന കൊടുവള്ളി കൂടത്തിങ്കല് ലത്തീഫ് കോട്ടൂരിന്റെയും ഷാനിദയുടെയും മകളാണ് ഖദീജ നിസ. പത്തു ലക്ഷം റിയാലാണ് ഈയിനത്തില് സമ്മാനത്തുക.
കഴിഞ്ഞ വര്ഷവും ഒന്നാം സമ്മാനം നേടി ഖദീജ അതിന് ശേഷവും നിരവധി പുരസ്കാരങ്ങള് സ്വന്തമാക്കിയിട്ടുണ്ടായിരുന്നു. സൗദിയെ പ്രതിനിധീകരിച്ച് ഏഴ് ടൂര്ണമെന്റിലാണ് കഴിഞ്ഞ ഒരു വര്ഷത്തിനുള്ളില് ഖദീജ പങ്കെടുത്തത്.
കഴിഞ്ഞ തവണ അല് നജ്ദ് ക്ലബിന്റെ ഭാഗമായി കളത്തിലിറങ്ങിയ പെണ്കുട്ടി ഇത്തവണ റിയാദ് ക്ലബിനുവേണ്ടിയാണ് മത്സരിച്ചത്. രാജ്യന്തര, ജിസിസി തല മല്സരങ്ങളില് ശ്രദ്ധേയമായ നിരവധി നേട്ടങ്ങളാണ് ബാഡ്മിന്റണ് കോര്ട്ടില് ഷട്ടില് പായിച്ച് ഖദീജ സ്വന്തമാക്കിയിരിക്കുന്നത്.
"
https://www.facebook.com/Malayalivartha
