ഖത്തറില് തടവില് കഴിയുന്ന മലയാളി ഉള്പ്പെടെ എട്ട് മുന് ഇന്ത്യന് നാവികരുടെ വധശിക്ഷ റദ്ദാക്കി
ഖത്തറില് തടവില് കഴിയുന്ന മലയാളി ഉള്പ്പെടെ എട്ട് മുന് ഇന്ത്യന് നാവികരുടെ വധശിക്ഷ റദ്ദാക്കിയതായി വിദേശകാര്യമന്ത്രാലയം അറിയിച്ചു. വധശിക്ഷ ജയില് ശിക്ഷയായി കുറച്ചവെന്നാണ് റിപ്പോര്ട്ട്. കോടതി ഉത്തരവ് പുറത്തുവിടാത്തതിനാല് എത്ര കാലമാണ് ജയില് ശിക്ഷ എന്ന് വ്യക്തമായിട്ടില്ല.
ഇന്ത്യന് നേവിയില് നിന്ന് വിരമിച്ച ശേഷം ഖത്തറിലെ ഒരു പ്രതിരോധ സേവന കമ്പനിയില് ജോലി ചെയ്ത് വരികയായിരുന്ന ഉദ്യോഗസ്ഥരെ ചാരപ്രവര്ത്തനം ആരോപിച്ചാണ് 2022ല് ഖത്തര് തടവിലാക്കിയത്. പൂര്ണേന്ദു തിവാരി, സുഗുണകര് പകല, അമിത് നാഗ്പാല്, സഞ്ജീവ് ഗുപ്ത, നവ്തേജ് സിങ് ഗില്, ബിരേന്ദ്രകുമാര് വര്മ, സൗരഭ് വസിഷ്ഠ്, രാഗേഷ് ഗോപകുമാര് എന്നിവരെയാണ് ഖത്തര് വധശിക്ഷയ്ക്ക് വിധിച്ചത്.
ഖത്തറിലെ ഇന്ത്യന് അംബാസിഡര് തടവിലാക്കിയവരുമായി കൂടിക്കാഴ്ച നടത്തിയിരുന്നു. വധശിക്ഷയ്ക്കെതിരായ ഇന്ത്യയുടെ ഹര്ജികളില് കോടതി വാദംകേട്ടു. ദുബായില് നടന്ന കോപ്പ് 28 ഉച്ചകോടിയുടെ ഭാഗമായി പ്രധാനമന്ത്രി നരേന്ദ്ര മോദിയും ഖത്തര് ഭരണാധികാരി ഷെയ്ക് തമീം ബിന് ഹമദ് അല്താനിയും നടത്തിയ കൂടിക്കാഴ്ചയില് വിഷയം ചര്ച്ചചെയ്തിരുന്നു.
https://www.facebook.com/Malayalivartha
