പുതുവത്സരദിനത്തില് ഷാര്ജയിലുണ്ടായ വാഹനാപകടത്തില് രണ്ടു മലയാളികള്ക്ക് ദാരുണാന്ത്യം
പുതുവത്സരദിനത്തില് ഷാര്ജയിലുണ്ടായ വാഹനാപകടത്തില് തിരുവനന്തപുരം സ്വദേശികളായ രണ്ടു പേര് മരിച്ചു. തിരുവനന്തപുരം പേരൂര്ക്കട സ്വദേശി ജാസിം സുലൈമാന് (33), തിരുവനന്തപുരം പോങ്ങോട് സനോജ് മന്സിലില് സനോജ് ഷാജഹാന് (38) എന്നിവരാണ് മരിച്ചത്. ഇന്നലെ ഷാര്ജ - അജ്മാന് റോഡില് വൈകിട്ട് 7.30നായിരുന്നു സംഭവം.
ഇവര് സഞ്ചരിച്ച വാഹനത്തില് മറ്റൊരു വാഹനമിടിച്ചാണ് അപകടമുണ്ടായത്. മരിച്ച ജാസിമിന്റെ ഭാര്യ ഷിഫ്ന അബ്ദുല് നസീറിനെ ഗുരുതരാവസ്ഥയില് ആശുപത്രിയില് പ്രവേശിപ്പിച്ചിരിക്കുകയാണ്. മക്കളായ ഇഷ, ആദം എന്നിവരും അപകടത്തില്പ്പെട്ടിരുന്നു. മൂത്തമകളായ ഇഷയെ പരിക്കുകളോടെ ആശുപത്രിയില് പ്രവേശിപ്പിച്ചു.
ആദമിനെ പ്രാഥമിക ചികിത്സ നല്കി ബന്ധുക്കളുടെ കൂടെ വിട്ടയച്ചു. മരിച്ച സനോജ് ഷാജഹാന്റെ കുടുംബം രണ്ടുദിവസം മുന്പായിരുന്നു നാട്ടിലേക്ക് പോയത്. പുതുവത്സരം ആഘോഷിക്കാനായി ജാസിമും കുടുംബവും സനോജും ഹാഷികും ഒരു വാഹനത്തില് ഫുജൈറയില് നിന്നും തിരിച്ചുവരുമ്പോഴാണ് അപകടം സംഭവിച്ചത്. ജാസിമിന്റെ ബന്ധുവായ ഹാഷികും ആശുപത്രിയിലാണ്. ജാസിമാണ് വാഹനമോടിച്ചിരുന്നത്.
https://www.facebook.com/Malayalivartha
