യുഎഇ തൊഴില് മന്ത്രാലയത്തില് മലയാളത്തിനും അംഗീകാരമായി
യുഎഇ തൊഴില് മന്ത്രാലയത്തില് മലയാളത്തിനും അംഗീകാരമായി. ഈ വര്ഷം മുതല് തൊഴിലാളികള്ക്കുള്ള ഓഫര്ലറ്ററുകളും തൊഴില്കരാറുകളും മലയാളത്തിലും സ്വീകരിക്കും. അറബിക്, ഇംഗ്ലീഷ് തുടങ്ങി 11 ഭാഷകളില് കരാറും തൊഴില്വാഗ്ദാന പത്രവും സ്വീകരിക്കാനാണ് മന്ത്രാലയത്തിന്റെ തീരുമാനം.
മലയാളത്തിനു പുറമേ ബംഗ്ലാദേശ്, ചൈനീസ്, പേര്ഷ്യ, ഹിന്ദി, നേപ്പാള്, ശ്രീലങ്ക, തമിഴ്, ഉറുദു ഭാഷകളും പട്ടികയില് ഇടംപിടിച്ചു. യുഎഇയിലേക്ക് തൊഴിലാളികളെ കൂടുല് അയയ്ക്കുന്ന രാജ്യങ്ങളെ കണക്കിലെടുത്താണ് പുതിയ ഭാഷകള്ക്ക് അംഗീകാരം നല്കിയതെന്ന് അധികൃതര് വ്യക്തമാക്കി. രാജ്യത്തേക്ക് കൊണ്ടുവരുന്നതിന് മുന്പ് തന്നെ തൊഴിലാളികള്ക്ക് അവരുടെ ജോലിയുടെ വിശദാംശങ്ങളും വ്യവസ്ഥകളും അറിയാന് ഇതുവഴി സാധിക്കുമെന്നതാണ് പ്രധാന നേട്ടം. തൊഴിലാളികള്ക്ക് അവരുടെ തൊഴില് സാധ്യതകളും അവകാശങ്ങളും ആനുകൂല്യങ്ങളും അറിയുന്നതിനാണ് കൂടുതല് ഭാഷകള് ഉള്പെടുത്തിയതെന്ന് മന്ത്രാലയം വ്യക്തമാക്കി. തൊഴില് രേഖകള്ക്കുള്ള അടിസ്ഥാന ഭാഷ അറബികും ഇംഗ്ലീഷുമായിരിക്കും. ഇതിനുപുറമേ തൊഴിലാളിക്ക് അറിയാവുന്ന പ്രാദേശിക ഭാഷകളില് രേഖകള് നല്കാനാകും.
വിദേശത്തുനിന്നും പുതുതായി തൊഴില് പെര്മിറ്റ് നല്കുന്നവര്ക്കും രാജ്യത്തിനകത്തുനിന്ന് നിയമനം ലഭിക്കുന്നവര്ക്കും പുതിയ നിയമമനുസരിച്ച് പ്രാദേശിക ഭാഷയില് കരാറുകളുടെ പകര്പ്പ് ലഭിക്കും. കരാറിലെ വ്യവസ്ഥകള് അംഗീകരിച്ചതായി തൊഴിലാളി ഒപ്പിട്ട സമ്മതപത്രമുണ്ടെങ്കിലെ ഇക്കൊല്ലം മുതല് വിസയ്ക്ക് അപേക്ഷിക്കാനാവൂ. തെറ്റായ വിവരം നല്കി വിസ എടുക്കുന്നവര്ക്ക് 20,000 ദിര്ഹം പിഴ ചുമത്തും. അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുകhttps://www.facebook.com/Malayalivartha
