കാട്ടറബികള്ക്കു വേണ്ടി മലയാളിപ്പെണ്കൊടികള്... സ്ത്രീകളെ ഒന്നിച്ച് പാര്പ്പിച്ച് അറബികളെ കടത്തിവിടും; തൊഴില് തേടിയപ്പോയവരുടെ കഥ
ദുബായ് കേന്ദ്രീകരിച്ച് നടക്കുന്ന വന്കിട സെക്സ് റാക്കറ്റുകളിലെ കള്ളക്കളികള് ആരേയും ഞെട്ടിക്കുന്നത്. വിദേശത്തേക്ക് ലൈംഗിക വ്യാപാരത്തിനായി സ്ത്രീകളെ കടത്തിയതിന് അറസ്റ്റിലായവരെ ചോദ്യം ചെയ്തപ്പോഴാണ് ഞെട്ടിക്കുന്ന വിവരങ്ങള് പുറത്തായത്.
മലയാളികള് തന്നെ നേതൃത്വം കൊടുക്കുന്ന വന് സെക്സ് റാക്കറ്റ് തന്നെയാണ് ദുബായ് അടക്കമുള്ള നഗരങ്ങളില് പ്രവര്ത്തിക്കുന്നത്. ഗള്ഫില് ജോലി വാഗ്ദാനം ചെയ്ത് യുവതികളെ എത്തിക്കുക്കുകയും അവിടെ പെണ്വാണിഭ കേന്ദ്രത്തില് പാര്പ്പിച്ച് കാട്ടറബികള് ഉള്പ്പെടെയുള്ളവര്ത്ത് വില്ക്കുകയും ചെയ്യുന്ന ശൈലിയാണ് ഇത്തരക്കാര് അവലംബിക്കുന്നത്. ഇങ്ങനെ മലയാളികള്നേതൃത്വം നല്കുന്ന മറ്റൊരു സെക്സ് റാക്കറ്റിനെ കുറിച്ചുള്ള വിവരങ്ങള് കൂടി പുറത്തുവന്നു.
വിദേശത്തേക്ക് ലൈംഗിക വ്യാപാരത്തിനായി സ്ത്രീകളെ കടത്തിയതിന് അറസ്റ്റിലായ കൊല്ലം കുളത്തുപ്പുഴ പള്ളിത്താഴത്തു വീട്ടില് കെ.ടി. സിയാദ് (44), എറണാകുളം പനമ്പള്ളിനഗര് പാസ്പോര്ട്ട് ഓഫീസിനു സമീപം കാട്ടുംപുറത്ത് കെ.ജി. ജോസഫ് (42) എന്നിവരെ വിശദമായി ചോദ്യം ചെയ്തപ്പോഴാണ് ഞെട്ടിക്കുന്ന പെണ്വാണിഭ സംഘങ്ങളെ കുറിച്ചുള്ള വിവരങ്ങള് പുറത്തുവന്നത്. സ്ത്രീകളെ കൂട്ടത്തോടെ പാര്പ്പിക്കുകയും ഇവിടെ അറബികള് അടക്കമുള്ളവര് എത്തി ഇഷ്ടമുള്ളവരെ കൊണ്ടുപോകുകയും ചെയ്യുന്ന വന്കിട സെക്സ് റാക്കറ്റായിരുന്നു പ്രവര്ത്തിച്ചിരുന്നത്.
പനമ്പള്ളിനഗര് സ്വദേശിനിയായ സ്ത്രീയുടെ പരാതിയിലാണ് ഇവര് പിടിയിലായത്. ഗള്ഫില് ജോലി വാഗ്ദാനം ചെയ്ത് ജോസഫാണ് കഴിഞ്ഞ ഡിസംബറില് സ്ത്രീയെ സമീപിച്ചത്. ടിക്കറ്റ് ചാര്ജു പോലും വേണ്ടെന്ന് പറഞ്ഞതോടെ സ്ത്രീ യാത്രക്ക് സമ്മതിച്ചു. കഴിഞ്ഞ മാസം 15 ന് ദുബായിലെത്തി. വിമാനത്താവളത്തില് നിന്ന് വാടകയ്ടക്കെടുത്ത ഒരു കെട്ടിടത്തിലേക്കാണ് സിയാദ് കൂട്ടിക്കൊണ്ടു പോയതെന്ന് സ്ത്രീ പറയുന്നു. പൂട്ടിയിട്ട നിലയില് 80 ലധികം സ്ത്രീകള് അവിടെയുണ്ടായിരുന്നു. സിയാദിന്റെ ഭാര്യ സീനയായിരുന്നു കെട്ടിടത്തിന്റെ ചുമതലക്കാരി. എല്ലാ ദിവസവും അറബികള് കെട്ടിടത്തിലെത്തി സ്ത്രീകളെ തിരഞ്ഞെടുക്കുകയാണ് പതിവ്.
ഇത്തരത്തില് പോയ ഒരു സ്ത്രീ തിരികെയെത്തി പീഡനവിവരം പറഞ്ഞതോടെയാണ് താന് കെണിയില്പ്പെട്ട വിവരം അറിഞ്ഞത്. നാട്ടിലേക്ക് മടങ്ങാന് വാശിപിടിച്ചതോടെ മൂന്നു ലക്ഷം രൂപ ആവശ്യപ്പെട്ടു. പണം ആവശ്യപ്പെടാന് ദിവസത്തിലൊരിക്കല് വീട്ടിലേക്ക് വിളിക്കാന് സീന അനുവദിച്ചു. വീട്ടുകാര് ഒന്നര ലക്ഷം രൂപ അയച്ചു തന്നു. ബാക്കി പണം നാട്ടിലെത്തുമ്പോള് നല്കാമെന്ന് വീട്ടുകാര് സിയാദിനെ അറിയിച്ചതോടെ നാട്ടിലെത്തിച്ചു. സാധാരണഗതിയില് ഒരിക്കല് അറബികള് കൊണ്ടുപോകുന്ന സ്ത്രീകള് കെട്ടിടത്തിലേക്ക് മടങ്ങി വരാറില്ല. എന്നാല്, ഏതോവിധത്തില് മടങ്ങിയെത്തിയ സ്ത്രീയാണ് തനിക്ക് വിവരങ്ങള് കൈമാറിയതെന്ന് യുവതി വെളിപ്പെടുത്തി.
നാട്ടിലെത്തിയ യുവതിയോട് വീണ്ടും ഒന്നര ലക്ഷം രൂപ ജോസഫും സിയാദും ആവശ്യപ്പെട്ടതോടെയാണ് ഇവര് സിറ്റി പൊലീസ് കമ്മിഷണര്ക്ക് പരാതി നല്കിയത്. പൊലീസിന്റെ നിര്ദ്ദേശപ്രകാരം പണം നല്കാമെന്ന് സ്ത്രീ സിയാദിനെ അറിയിച്ചു. നോര്ത്ത് റെയില്വേ സ്റ്റേഷന് സമീപം എത്തിയ സിയാദിനെ ഷാഡോ എസ്.ഐ. ഗോപകുമാറിന്റെ നേതൃത്വത്തിലുള്ള സംഘം അറസ്റ്റു ചെയ്യുകയായിരുന്നു. ഇയാളില് നിന്ന് 90,000 രൂപ, ലാപ്ടോപ്പ്, നിരവധി ഫോണുകള് എന്നിവ പിടിച്ചെടുത്തു.
പിന്നീട് സിയാദിനെ കൊണ്ട് ജോസഫിനെ വിളിച്ചു വരുത്തി അറസ്റ്റു ചെയ്തു. ഇയാള്ക്കെതിരെ എറണാകുളം സൗത്ത് പൊലീസ് സ്റ്റേഷനില് നിരവധി അടിപിടിക്കേസുകളുണ്ട്. പനമ്പള്ളിനഗറില് പാസ്പോര്ട്ട് ഏജന്റായി പ്രവര്ത്തിച്ചാണ് ജോസഫ് സ്ത്രീകളെ വലയിലാക്കിയിരുന്നത്. എമിഗ്രേഷന് നടപടികള് സുഗമമാകാന് ഇവര് സ്ത്രീകളെ ബാംഗ്ലൂര് വിമാനത്താവളം വഴിയാണ് കടത്തുന്നത്. ബാംഗ്ലൂരില് വച്ച് സിയാദ് പീഡിപ്പിക്കാന് ശ്രമിച്ചതായും പരാതിയുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha