ഹൃദയാഘാതം മൂലം മലയാളി സൗദി അറേബ്യയിലെ റിയാദില്‍ നിര്യാതനായി. പാലക്കാട് ഷൊര്‍ണൂര്‍ കനയം സ്വദേശി വെട്ടിക്കാട്ടില്‍ മുഹമ്മദ് അഷ്റഫ് (46) ആണ് മരിച്ചത്.

നെഞ്ചു വേദനയെ തുടര്‍ന്ന് റിയാദ് കിങ് അബ്ദുല്ല റോഡിലെ ഡോ. ഫഖീഹ് ആശുപത്രിയില്‍ പ്രവേശിപ്പിച്ചെങ്കിലും ജീവന്‍ രക്ഷിക്കാന്‍കഴിഞ്ഞില്ല. റിയാദില്‍ ഡ്രൈവറായാണ് അഷ്റഫ് ജോലി ചെയ്തിരുന്നത്.

പിതാവ് - അബ്ദുസലാം (പരേതന്‍), മാതാവ് - ആസ്യ, ഭാര്യ - സീനത്ത്, മക്കള്‍ - മുഹമ്മദ് അര്‍ഷാദ്, മുഹമ്മദ് അനാന്‍, മുഹമ്മദ് മുസ്തഫ. മൃതദേഹം നാട്ടില്‍ കൊണ്ടുപോകുന്നതിനുള്ള നടപടി പുരോഗമിക്കുന്നു.