കണ്ണീരടക്കാനാവാതെ..... ജിദ്ദയിലെ പ്രവാസി നാട്ടില്‍ ട്രെയിന്‍ തട്ടി മരിച്ചു... ഓവര്‍സീസ് ഇന്ത്യന്‍ കള്‍ച്ചറല്‍ കോണ്‍ഗ്രസ് (ഒ.ഐ.സി.സി) ജിദ്ദ ഘടകത്തില്‍ സജീവ പ്രവര്‍ത്തകനായ മലപ്പുറം കാളികാവ് സ്വദേശി ഷിബു കൂരി (43) ആണ് ട്രെയിന്‍ തട്ടി മരിച്ചു.

തിങ്കള്‍ വൈകിട്ട് 7.30 ന് വാണിയമ്പലം വെള്ളാംബ്രത്ത് വെച്ച് ഷൊര്‍ണൂര്‍-നിലമ്പൂര്‍ ട്രെയിന്‍ തട്ടിയായിരുന്നു അപകടം നടന്നത്. നിലമ്പൂരിലേക്ക് പോകുകയായിരുന്ന ട്രെയിനാണ് ഇടിച്ചത്. വീരാന്‍ കുട്ടി കൂരിയുടെയും സുബൈദയുടെയും മകനാണ്. ഭാര്യ: നജ്‌ല. മക്കള്‍: അസ്ഹര്‍ അലി, അര്‍ഹാന്‍.

മഞ്ചേരി മെഡിക്കല്‍ കോളജില്‍ നിന്നും പോസ്റ്റ് മോര്‍ട്ടം കഴിഞ്ഞതിന് ശേഷം ചൊവ്വ കാളികാവ് ജുമാ മസ്ജിദ് ഖബര്‍സ്ഥാനില്‍ മറവു ചെയ്യും. അവധിക്ക് നാട്ടിലെത്തിയതായിരുന്നു ഷിബു.