കണ്ണീരടക്കാനാവാതെ.... ഹൃദയാഘാതം മൂലം മലയാളി റിയാദിലെ ആശുപത്രിയില്‍ നിര്യാതനായി. കോഴിക്കോട് താമരശ്ശേരി കട്ടിപ്പാറ അരയംകുളം വീട്ടില്‍ ചുണ്ടന്‍കുഴിയില്‍ ജാഫര്‍ (45) ആണ് റിയാദ് ശുമൈസി ആശുപത്രിയില്‍ മരിച്ചത്.

റിയാദ് സുലൈ ഹാറൂണ്‍ റാഷിദ് സ്ട്രീറ്റിലെ ഒരു ഹോട്ടലില്‍ ജീവനക്കാരനായ ഇദ്ദേഹം രാവിലെ ശാരീരിക അസ്വസ്ഥതകള്‍ കാരണം ആശുപത്രിയില്‍ പോയതായിരുന്നു.പിതാവ്: അബ്ദുറഹ്മാന്‍ (പരേതന്‍), മാതാവ്: ഫാത്തിമ (പരേത), ഭാര്യ: റഹ്മത്ത്, മക്കള്‍: മുഹമ്മദ് ഹംദാന്‍, മുഹമ്മദ് ഹശ്മില്‍.

മൃതദേഹം നാട്ടിലേക്ക് കൊണ്ടുപോകും. നടപടിക്രമങ്ങള്‍ക്കായി റിയാദ് കെ.എം.സി.സി വെല്‍ഫെയര്‍ വിങ് ചെയര്‍മാന്‍ റഫീഖ് പുല്ലൂര്‍, ജാഫര്‍ വീമ്പൂര്‍, സൃഹൃത്ത് അബിന്‍, അബ്ദുല്ലത്തീഫ് എന്നിവരുടെ നേതൃത്വത്തില്‍ പ്രവര്‍ത്തനം പുരോഗമിക്കുകയാണ്.