കണ്ണീര്ക്കാഴ്ചയായി.... ഖത്തറില് വാഹന അപകടത്തില് കണ്ണൂര് മട്ടന്നൂര് സ്വദേശി ഉള്പ്പെടെ രണ്ടുപേര്ക്ക് ദാരുണാന്ത്യം
കണ്ണീര്ക്കാഴ്ചയായി.... ഖത്തറില് വാഹന അപകടത്തില് കണ്ണൂര് മട്ടന്നൂര് സ്വദേശി ഉള്പ്പെടെ രണ്ടുപേര്ക്ക് ദാരുണാന്ത്യം. വെള്ളിയാഴ്ച വൈകുന്നേരമുണ്ടായ അപകടത്തില് മട്ടന്നൂര് ചോലയില് രഹനാസാണ് (40) മരിച്ചത്.
ഒപ്പമുണ്ടായിരുന്ന നേപ്പാള് സ്വദേശിയും അപകടത്തില് മരണപ്പെട്ടു. കൂടെയുണ്ടായിരുന്ന മറ്റൊരു നേപ്പാള് സ്വദേശിയെ ഗുരുതര പരിക്കുകളോടെ ആശുപത്രിയില് പ്രവേശിപ്പിച്ചിരിക്കുകയാണ്. രാത്രി ഏഴുമണിയോടെ ഇവര് സഞ്ചരിച്ച വാഹനം നിര്ത്തിയിട്ട ട്രെയിലറിന് പിന്നില് ഇടിച്ചാണ് അപകടം സംഭവിച്ചത്.
ഖത്തറിലെ സ്വകാര്യ കമ്പനിയില് ജീവനക്കാരായിരുന്ന ഇവര് ഡെലിവറിക്കായി പോകുന്നതിനിടെയാണ് അപകടം.വരട്ടിയോടന് അബ്ദുല് വഹിദിന്റെയും ചോലയില് ഖദീജയുടെയും മകനാണ് മരണപ്പെട്ട രഹ്നാസ്. ഭാര്യ ശരീഫ. മക്കള്: മിന്സ ഫാത്തിമ, സൈനുല് ഹാഫിസ്, സാഖിഫ് ഐമന്.ഹമദ് മോര്ച്ചറിയില് സൂക്ഷിച്ച മൃതദേഹം നടപടികള് പൂര്ത്തിയാക്കിയ ശേഷം നാട്ടിലെത്തിച്ച് സംസ്കാരചടങ്ങുകള് നടത്തും.
"
https://www.facebook.com/Malayalivartha
