അസൈര് ബൈജാനിലെ കെട്ടിടത്തിനു മുകളില് നിന്നും വീണ് പരിക്കേറ്റ് മലയാളി യുവാവിനെ ചികിത്സക്കായി നാട്ടിലെത്തിക്കാനാകാതെ കുടുംബം
അസൈര് ബൈജാനിലെ കെട്ടിടത്തിനു മുകളില് നിന്നും വീണ് പരിക്കേറ്റ് മലയാളി യുവാവിനെ ചികിത്സക്കായി നാട്ടിലെത്തിക്കാനാകാതെ കുടുംബം
വീടിനും വീട്ടുകാര്ക്കും താങ്ങാകാനായി വിദേശത്ത് ജോലിക്കു പോയ ഇടുക്കി തങ്കമണി നീലിവയല് സ്വദേശി അബിന് ടോമിയാണ് അപകടത്തില്പ്പെട്ട് കിടപ്പിലായത്. പതിനൊന്നു മാസം മുന്പാണ് നീലിവയല് സ്വദേശി വെട്ടിയാങ്കല് ടോമിയുടെ മകന് അബിന് ജോലിക്കായി അസര്ബൈജാനിലേക്ക് പോയത്.
അവിടുത്തെ ഹോട്ടലില് ഷെഫായാണ് ജോലി ലഭിച്ചത്. താമസിച്ചിരുന്ന കെട്ടിടത്തിന്റെ നാലാം നിലയില് നിന്നും ചൊവ്വാഴ്ച രാത്രിയാണ് അബിന് താഴെ വീണത്. ഗുരുതരമായി പരുക്കേറ്റ് അത്യാസന്ന നിലയിലായ യുവാവിനെ ഗബാല ഹോസ്പിറ്റലില് ചികിത്സക്ക് പ്രവേശിപ്പിച്ചിരുന്നു. ചികിത്സകള്ക്കായി ഇതിനോടകം ലക്ഷങ്ങളായി.തണുപ്പ് കാലമായതിനാല് യുവാവിനെ നാട്ടിലേക്ക് കൊണ്ടുവരാന് ചികിത്സിച്ചിരുന്ന ആശുപത്രിയില് നിന്ന് ഡിസ്ചാര്ജ് ചെയ്തു. പിന്നീട് അസര്ബൈജാന് എയര്പോര്ട്ടില് എത്തിച്ചു. ഡോക്ടറില്ലാതെ വിമാനത്തില് അയക്കാനാകില്ലെന്ന് അധികൃതര്
. ഡോക്ടറെയും കൂടെ വരാന് സഹായിയെയും തയാറാക്കിയപ്പോഴേക്കും ടിക്കറ്റ് റദ്ദായി. നിലവില് എയര്പോര്ട്ട് ക്ലിനിക്കില് ലക്ഷങ്ങളാണ് ചികിത്സയ്ക്ക് ചെലവാകുന്നത്. അതിനാല് ശസ്ത്രക്രിയ പോലും മാറ്റി വച്ചു.
നാട്ടിലെത്തിച്ച് ശസ്ത്രകിയ ഉള്പ്പെടെയുള്ള തുടര് ചികിത്സയ്ക്കും വിമാന ടിക്കറ്റിനും മറ്റും വേണ്ട പണം കണ്ടെത്താന് വഴിയില്ലാതെ വിഷമാവസ്ഥയിലാണ് കുടുംബം.
https://www.facebook.com/Malayalivartha
