യു.എന് ബന്ധം പുന:പരിശോധിക്കുമെന്ന് ഇസ്രായേല്
അനധികൃത കുടിയേറ്റങ്ങളെ അപലപിക്കുന്ന പ്രമേയം യു.എന് പാസാക്കിയതിനു പിന്നാലെ പ്രതികാര നടപടികളുമായി ഇസ്രായേല്. ഇനിമുതല് സംഭാവനകള് നല്കില്ലെന്നും ഐക്യ രാഷ്ട്രസഭയുമായുള്ള ബന്ധം പുന:പരിശോധിക്കുമെന്നും ഇസ്രായേല് പ്രസിഡന്റ് ബെന്യാമിന് നെതന്യാഹു പറഞ്ഞു. ഫലസ്തീന് അധിനിവേശ ഭൂമിയില് ഇസ്രായേല് നടത്തുന്ന കുടിയേറ്റം ഉടന് അവസാനിപ്പിക്കണമെന്നാവശ്യപ്പെടുന്ന പ്രമേയം കഴിഞ്ഞ ദിവസമാണ് യു.എന് രക്ഷാസമിതി പാസാക്കിയത്. അമേരിക്കയുള്പ്പെടെയുള്ള രാജ്യങ്ങളുടെ പരോക്ഷ പിന്തുണയോടെ പാസായ പ്രമേയത്തെ ഇസ്രായേല് കടുത്ത ഭാഷയിലാണ് വിമര്ശിച്ചത്. ലക്ഷക്കണക്കിന് ആളുകള് സിറിയയില് കൊല്ലപ്പെടുമ്പോള് മൗനം പാലിച്ച രക്ഷാസമിതിയാണ് തങ്ങള്ക്കെതിരെ പ്രമേയം കൊണ്ടുവന്നതെന്നാണ് ഇസ്രയേലിന്റെ പ്രതികരണം. പ്രമേയം പാസായത് ഇസ്രായേലിന് നയതന്ത്ര തലത്തില് കനത്ത തിരിച്ചടിയായിരുന്നു.
https://www.facebook.com/Malayalivartha