രണ്ട് പതിറ്റാണ്ടിലധികം തന്റെ വീട്ടില് സേവനം അനുഷ്ഠിച്ച മലയാളി ജോലിക്കാരിയുടെ വീട്ടിലത്തെി ബഹ്റൈന് മന്ത്രി; വൈറല് ആയ ചിത്രം
കൊല്ലം സ്വദേശിനിയായ ലൈല ഒരിക്കലും ഇങ്ങനൊരു അതിഥിയെ പ്രതീക്ഷിച്ചിട്ടുണ്ടാവില്ല. താന് 21 വര്ഷം സേവനം അനുഷ്ഠിച്ച വീട്ടില് നിന്ന് ആ വലിയ മനുഷ്യന് അന്വേഷിച്ച് എത്തുമെന്ന് കരുതിയില്ല. എന്നാല്, ബഹ്റൈനിന്റെ വിദേശകാര്യ മന്ത്രി ശൈഖ് ഖാലിദ് ബിന് അഹ്മദ് ബിന് മുഹമ്മദ് ആല്ഖലീഫ തിരക്കിട്ട ജോലികള്ക്ക് ഇടയിലും വീട്ടില് ജോലി ചെയ്തിരുന്ന ആ സ്ത്രീയെ കാണാന് എത്തി.
കേരളത്തില് കൊല്ലത്ത് എത്തി വീട്ടു ജോലിക്കാരിയെ കണ്ടതിന് ശേഷം സാമൂഹിക മാധ്യമത്തില് പങ്കുവെച്ച ചിത്രം വൈറലാകുകയും ചെയ്തു. ഇന്സ്റ്റഗ്രാമിലൂടെയാണ് ലൈലക്കൊപ്പമുള്ള ചിത്രം ഖാലിദ് ബിന് അഹ്മദ് പങ്കുവെച്ചത്. രണ്ട് ദിവസം മുമ്ബാണ് ബഹ്റൈന് വിദേശകാര്യ മന്ത്രി തന്റെ ഇന്സ്റ്റഗ്രാമില് ഈ ചിത്രമിട്ടത്.
രണ്ട് പതിറ്റാണ്ടിലധികം തന്റെ വീട്ടില് സേവനം അനുഷ്ഠിച്ച സ്ത്രീയെ ഇന്ത്യയില് എത്തി കണ്ടുവെന്ന അടിക്കുറിപ്പോടെയാണ് ലൈലക്കൊപ്പമുള്ള ചിത്രമിട്ടത്. തന്റെ ജീവിതത്തിലെ 21 വര്ഷം സ്നേഹത്തോടെയും ആത്മാര്ഥതയോടെയും സ്നേഹത്തോടെയും ഞങ്ങളോടൊപ്പം നീക്കിവെച്ച് ലൈലയെ കൊല്ലത്ത് അവരുടെ വീട്ടില് എത്തി കണ്ടതായും ഇന്സ്റ്റഗ്രാമില് ഖാലിദ് ബിന് മുഹമ്മദ് എഴുതി. ലൈലക്കൊപ്പമുള്ള ഖാലിദ് ബിന് അഹ്മദിന്റെ ചിത്രം സാമൂഹിക മാധ്യമങ്ങളില് വൈറലായി കഴിഞ്ഞു. നിരവധി പേരാണ് ഇന്സ്റ്റഗ്രാമില് കമന്റുമായി എത്തിയത്.
https://www.facebook.com/Malayalivartha