സൗദിയില് ജോലിക്കിടെ കൊല്ലം സ്വദേശി കുഴഞ്ഞുവീണ് മരിച്ചു
സൗദി അറേബ്യയിലെ സകാക്കയില് ജോലിക്കിടെ കൊല്ലം സ്വദേശി കുഴഞ്ഞുവീണ് മരിച്ചു .അയത്തില് ലക്ഷ്മിവിളാകം പുരയിടത്തില് വിക്ടര് ( 53 ) ആണ് മരിച്ചത്. സകാക്കയിലെ തുവൈറിലെ കടയില് സെയില്സ്മാനായി ജോലി ചെയുനതിനിടെ കുഴഞ്ഞുവീഴുകയായിരുന്നു. കടയില് ആ സമയമുണ്ടായിരുന്ന സൗദി പൗരന്മാര് വിക്ടറിനെ ആശുപത്രിയിലെത്തിച്ചെങ്കിലും മരണം സംഭവിക്കുകയായിരുന്നു. കഴിഞ്ഞ മൂന്ന് പതിറ്റാണ്ടായി സൗദിയില് ജോലി ചെയ്യുന്ന ഇദ്ദേഹം ആറുമാസം മുന്പാണ് നാട്ടില് അവധിക്ക് പോയിവന്നത് .
സകാക്ക സെന്ട്രല് ആശുപത്രി മോര്ച്ചറിയില് സൂക്ഷിച്ചിരിക്കുന്ന മൃതദേഹം നിയമനടപടികള് പൂര്ത്തീകരിച്ചു നാട്ടില് കൊണ്ടുപോകുമെന്ന് ബന്ധുക്കള് അറിയിച്ചു. മരണ വിവരം അറിഞ്ഞു സഹോദരന് ജസ്റ്റിനും എത്തിയിട്ടുണ്ട്. ശോഭയാണ് ഭാര്യ.പ്രിന്സി ,വിനീഷ് എന്നിവര് മക്കളാണ്.
https://www.facebook.com/Malayalivartha