ഷോപ്പ് ഖത്തര് മേളക്ക് നാളെ ദോഹയില് തുടക്കമാകുന്നു
ഖത്തര് ടൂറിസം അതോറിറ്റിയുടെ നേതൃത്വത്തില് ഷോപ്പ് ഖത്തര് മേളക്ക് നാളെ ദോഹയില് തുടക്കമാകുന്നു. ഷോപ്പ് ഖത്തര് മേളയുടെ ആദ്യ പതിപ്പ് മാള് ഓഫ് ഖത്തറിലാണ് ആരംഭിക്കുന്നത്. ഖത്തറി ഹാസ്യ കലാകാരന് ഹമദ് അല് അമ്മാരി, ഖത്തറി ഗായകന് ഫഹദ് അല് ഖുബെയ്സി എന്നിവരുടെ കലാപരിപാടികളോടെയാണ് ഒരു മാസം നീണ്ടുനില്ക്കുന്ന മേള തുടക്കം കുറിക്കുന്നത്. വിനോദ പരിപാടികള്ക്കൊപ്പം അല് ഖുബെയ്സിയുടെ തല്സമയ സംഗീത വിരുന്നും ഒരുക്കിയിട്ടുണ്ട്. വിനോദസഞ്ചാരികള്ക്ക് കൂടുതല് ഉണര്വേകാന് ഈ മേള സഹായിക്കും. എ ബ്രാന്ഡ് ന്യൂ ട്രഡീഷന് എന്നറിയപ്പെടുന്ന ഈ മേളയില് നിരവധി ആകര്ഷകങ്ങളായ ഓഫറുകളും വ്യത്യസ്തവും കൗതുകവുമാര്ന്ന വിനോദ പരിപാടികളും സംഘടിപ്പിച്ചിട്ടുണ്ട്. വാണിജ്യ സ്ഥാപനങ്ങളില് തുണിത്തരങ്ങള്, ഇലക്ട്രോണിക്സ്, സൗന്ദര്യ വര്ധക ഉത്പന്നങ്ങള്, എന്നിവ ഉള്പ്പെടെയുള്ളവക്ക് അന്പത് ശതമാനത്തോളം വിലക്കിഴിവുണ്ട്. മാള് ഓഫ് ഖത്തര്, എസ്ദാന് മാള്, ഹയാത്ത് പ്ലാസ, അല്ഖോര് മാള്, ലഗൂണ മാള്, ഗള്ഫ് മാള്, ലാന്ഡ് മാര്ക്ക്, ദാര് അല് സലാം മാള്, ദ ഗേറ്റ്, പേള് ഖത്തര് തുടങ്ങി രാജ്യത്തെ പ്രമുഖ മാളുകളെല്ലാം മേളയില് പങ്കെടുക്കുന്നുണ്ട്. ഖത്തറിലെ വിര്ജിനിയ കോമണ്വെല്ത്ത് സര്വകലാശാല വിദ്യാര്ഥികളും പ്രാദേശിക ഡിസൈനര്മാരും ഡിസൈന് ചെയ്ത ഉത്പന്നങ്ങളും മേളയിലുണ്ടാകും. യാത്രക്കായി ജനുവരി ഏഴ് മുതല് ഫെബ്രുവരി ഏഴ് വരെ ടിക്കറ്റ് ബുക്ക് ചെയ്യുന്നവര്ക്ക് ഖത്തര് എയര്വേയ്സ് 25 ശതമാനം വരെ ടിക്കറ്റില് ഇളവ് നല്കും. കൂടാതെ ഖത്തര് എയര്വേയ്സ് പ്രിവിലേജ് ക്ലബ്ബ് അംഗങ്ങള്ക്ക് ഷോപ്പ് ഖത്തര് മേളയുടെ കാലയളവില് ടിക്കറ്റ് ബുക്കിങ്ങിലൂടെ ഇരട്ടി ക്യൂമൈല്സ് നേടാനുമാവും.
മേളയില് നിന്നും 200 റിയാലിന്റെ ഉത്പന്നങ്ങള് വാങ്ങുമ്പോള് മാള് ഓഫ് ഖത്തറില് നടക്കുന്ന വാരാന്ത്യ റാഫിള് കൂപ്പണ് നറുക്കെടുപ്പില് പങ്കെടുക്കാനാവും. ആദ്യ മൂന്ന് വെള്ളിയാഴ്ചകളിലായാണ് നറുക്കെടുപ്പ് നടക്കുന്നത്. ഉപഭോക്താക്കളെ കാത്തിരിക്കുന്നത് നാല്പത് ലക്ഷം റിയാല് വരെയുള്ള സമ്മാനങ്ങളാണ്. ഓരോ ആഴ്ചയിലും പതിനായിരം മുതല് മൂന്ന് ലക്ഷം വരെയുള്ള 15 ക്യാഷ് െ്രെപസുകളാണ് നല്കുന്നത്. മേളയുടെ അവസാന ദിവസം നടക്കുന്ന മെഗാ നറുക്കെടുപ്പില് 10 ലക്ഷം റിയാലിന്റെ ജാക്ക്പോട്ട് സമ്മാനമാണ് ലഭിക്കുന്നത്. കൂടാതെ 20000 മുതല് 1,20,000 റിയാല് വരെയുള്ള 14 ക്യാഷ് െ്രെപസുകളും ലഭിക്കും. നുവരി 20 മുതല് 27 വരെ അറബ്, ഖലീജി ഗായകരുടെ സംഗീത വിരുന്ന്, ഫെബ്രുവരി ഒന്ന് മുതല് നാല് വരെ മ്യൂസിക്കല് ക്യാറ്റ്സ്, ഫെബ്രുവരി രണ്ട് മുതല് നാല് വരെ ദോഹ കോമഡി ഫെസ്റ്റിവല് എന്നിവയാണ് ഖത്തര് നാഷണല് കണ്വെന്ഷന് സെന്ററില് നടക്കുന്നത്. ഒന്പത് രാജ്യങ്ങളില് നിന്നുള്ള 15 ഹാസ്യ താരങ്ങളാണ് കോമഡി ഫെസ്റ്റിവലില് പങ്കെടുക്കുന്നത്. ദാഹ കോമഡി ഫെസ്റ്റിവല് എന്നിവയും സംഘടിപ്പിച്ചിട്ടുണ്ട്. 120 റിയാല് മുതല് 1,250 വരെയാണ് ടിക്കറ്റ് നിരക്ക്. വിര്ജിന് സ്റ്റോറില് നിന്ന് കോമഡി ഫെസ്റ്റിവലിന്റേയും പ്ലാറ്റിനം ലിസ്റ്റില് നിന്ന് സംഗീത വിരുന്നിന്റേയും ടിക്കറ്റുകള് ലഭിക്കും. നാനൂറിലധികം വാണിജ്യ സ്ഥാപനങ്ങളും കഫേകളും ഭക്ഷണശാലകളും തിയേറ്ററുകളും ഉള്പ്പെടുന്ന എസ്ദാന് വേള്ഡിലെ മാജിക്കല് ഫെസ്റ്റിവല് വില്ലേജും ഷോപ്പ് ഖത്തറില് പങ്കെടുക്കുന്നുണ്ട്. പൊതുജനങ്ങള്ക്ക് ജനുവരി എട്ട് മുതല് 21 വരെ ഹയാത് പ്ലാസയില് ആഫ്രിക്കന് സര്ക്കസ് ആസ്വദിക്കാം. പ്രവര്ത്തി ദിനങ്ങളില് വൈകിട്ട് ആറരക്കും എട്ടിനുമാണ് സര്ക്കസ്. വാരാന്ത്യങ്ങളില് വൈകിട്ട് അഞ്ചര, ഏഴ്, ഒന്പത് എന്നീ സമയങ്ങളിലാണ് സര്ക്കസ് പ്രദര്ശനം
.
https://www.facebook.com/Malayalivartha