ഓണ്‍ലൈന്‍ പണമിടപാടിന് പുതിയ നിയമങ്ങള്‍ പുറപ്പെടുവിച്ചുകൊണ്ട് യു.എ.ഇ സെന്‍ട്രല്‍ ബാങ്ക്
ഇടപാടുകള്‍ കൂടുതല്‍ സുരക്ഷിതമാക്കുക എന്ന ലക്ഷ്യത്തോടെ ഓണ്‍ലൈന്‍ പണമിടപാടിന് യു.എ.ഇ സെന്‍ട്രല്‍ ബാങ്ക് പുതിയ നിയമങ്ങള്‍ പുറപ്പെടുവിച്ചു. ബുധനാഴ്ചയാണ് നിയമങ്ങള്‍ അവതരിപ്പിച്ചത്. വിശദമായ ചര്‍ച്ചകള്‍ക്ക് ശേഷമേ നിയമങ്ങള്‍ നടപ്പാക്കൂ എന്ന് സെന്‍ട്രല്‍ ബാങ്ക് പ്രസ്താവനയില്‍ അറിയിച്ചു. ഈ നിയമങ്ങള്‍ പ്രാബല്യത്തില്‍ വരുന്നതിന് കാലതാമസം ഉണ്ടാകുമെന്നും അധികൃതര്‍ അറിയിച്ചു. ഡിജിറ്റല്‍ സേവനരംഗത്ത് ആഗോളതലത്തില്‍ നേതൃത്വം നല്‍കാന്‍ രാജ്യത്തെ പ്രാപ്തമാക്കുന്നതാണ് യു.എ.ഇ സര്‍ക്കാറിന്റെ പുതിയ നിയമങ്ങളെന്ന് സെന്‍ട്രല്‍ ബാങ്ക് ഗവര്‍ണര്‍ മുബാറക് ആല്‍ മന്‍സൂറി പറഞ്ഞു.
ചില്ലറ വ്യാപാരം, മൈക്രോ പേയ്‌മെന്റ്, സര്‍ക്കാര്‍, നോണ്‍ ഇഷ്യൂയിങ് എന്നീ നാലുവിഭാഗങ്ങളായി ഡിജിറ്റല്‍ പണമിടപാട് സേവനങ്ങളെ പുതിയ നിയമത്തില്‍ തിരിച്ചിട്ടുണ്ട്. രാജ്യത്തെ സാമ്പത്തികമേഖലയെ പരിപോഷിപ്പിക്കുന്നതിന് വേണ്ടിയാണ് നിയമങ്ങള്‍ രൂപപ്പെടുത്തിയിരിക്കുന്നതെന്നും അദ്ദേഹം കൂട്ടിച്ചേര്‍ത്തു. ു.എ.ഇയിലെ സാമ്പത്തിക സേവന മേഖലയുടെ ഭാവി രൂപപ്പെടുത്തുന്നതില്‍ ഫിന്‍ടെകിന് (ധനകാര്യ സാങ്കേതികവിദ്യ) പ്രധാന പങ്കുണ്ടായിരിക്കുമെന്ന് സെന്‍ട്രല്‍ ബാങ്ക് അറിയിച്ചു. ഇത്തരമൊരു പരിഷ്‌കരണത്തെ പിന്തുണക്കാന്‍ സെന്‍ട്രല്‍ ബാങ്ക് തയാറെടുത്തിട്ടുണ്ട്. ഡിജിറ്റല്‍ പണമിടപാട് മേഖലയില്‍ യു.എ.ഇയെ ആഗോളതലത്തില്‍ മുന്‍നിരയിലത്തെിക്കുന്നതിനുള്ള പുതിയ നിയമഘടന നടപ്പാക്കുന്നതില്‍ നേതൃപരമായ പങ്കാളിത്തം വഹിക്കുന്നത് സെന്‍ട്രല്‍ ബാങ്ക് തുടരുമെന്നും അധികൃതര്‍ പറഞ്ഞു.
.
https://www.facebook.com/Malayalivartha
