വീണ്ടും കെട്ടണോ വഴിയുണ്ട്... വാട്സാപ്പ് ഗ്രൂപ്പ് ഹിറ്റായത് സൗദിയില്; സ്ത്രീകളുടെ തള്ളിക്കയറ്റം
വീണ്ടും കെട്ടാനുള്ള അവസരമൊരുക്കി വാട്സാപ്പ് കൂട്ടായ്മ. വിധവകളുടെയും വിവാഹമോചിതരുടെയും എണ്ണം കുറയ്ക്കുന്നതിന് വേണ്ടിയാണ് സൗദിയില് ഇത്തൊരുമൊരു കൂട്ടായ്മ തുടങ്ങിയത്. പോളിഗാമി എന്നാണ് ഗ്രൂപ്പിന്റെ പേര്.
ഈ വാട്സാപ്പ് ഗ്രൂപ്പില് വീണ്ടും വിവാഹം ചെയ്യാന് താത്പര്യമുള്ള പുരുഷന്മാര്ക്കും വിധവകളും വിവാഹമോചിതകളുമായ സ്ത്രീകള്ക്കും ചേരാനാകും. അവസരം തേടി ഇതിനകം വാട്സാപ്പ് ഗ്രൂപ്പില് അംഗമായത് 900 സ്ത്രീകളാണ്.
ഒരു ഭാര്യയുള്ള യുവാക്കളോട് ഒരാളെക്കൂടി പങ്കാളിയാക്കാനാണ് വിവാഹ ഏജന്റുമാര് ആവശ്യപ്പെടുന്നത്. പങ്കാളികളില്ലാതെ ജീവിതം വഴിമുട്ടിയ സൗദിയിലെ യുവതികളെ സഹായിക്കുന്നതിനുവേണ്ടിയാണിതെന്നും അവര് പറയുന്നു. മെക്കയുള്പ്പെടെയുള്ള നഗരങ്ങളില് വിവാഹമോചനങ്ങളുടെ എണ്ണം കൂടുന്നുവെന്നുകണ്ടാണ് അധികൃതര് ബഹുഭാര്യാത്വത്തെ പ്രോത്സാഹിപ്പിക്കാന് രംഗത്തുവന്നത്.
സിറിയ, പാലസ്തീന്, ഈജിപ്ത്, നൈജീരിയ, ബംഗ്ലാദേശ്, ചൈന, പാക്കിസ്ഥാന് എന്നിവിടങ്ങളില്നിന്നുള്ളവരും ഈ ഗ്രൂപ്പില് അംഗങ്ങളാണ്. സൗദിയില്നിന്നുള്ള യുവതികളില് ചിലര് ഏത് ഗോത്രത്തില്നിന്നാണ് വരുന്നതെന്ന കാര്യവും സ്റ്റാറ്റസില് ഉള്പ്പെടുത്തിയിട്ടുണ്ട്.
55 വയസ്സുമുതല് 18 വയസ്സുവരെയുള്ളവര് ഗ്രൂപ്പില് ചേര്ന്നിട്ടുണ്ട്. ചില യുവതികള് അവരുടെ അഴകളവുകളെക്കുറിച്ചുള്ള വിവരങ്ങളും നല്കിയിട്ടുണ്ട്. ആരെങ്കിലും താത്പര്യം പ്രകടിപ്പിച്ച് വരികയാണെങ്കില് അവരെ വിവാഹ ഏജന്റുമാര് വിവരമറിയുക്കുകയും വിവാഹത്തിനുള്ള നടപടികള് ആരംഭിക്കുകയും ചെയ്യും. വിവാഹം കഴിക്കാന് തയ്യാറാകുന്നവര് പാലിക്കേണ്ട ഡിമാന്റുകളും യുവതികള് വാട്സാപ്പിലൂടെ കൈമാറുന്നുണ്ട്.
https://www.facebook.com/Malayalivartha