ദോഹ-കോഴിക്കോട് വിമാനം എയര്‍ ഇന്ത്യാ എക്‌സ്പ്രസ് ഈ മാസം 15 മുതല്‍ തിരുവനന്തപുരത്തേക്ക് സര്‍വീസ് നടത്തും. തെക്കന്‍ കേരളത്തിലെ പ്രവാസികള്‍ക്ക് ആഹ്‌ളാദം നല്‍കുന്നതാണ് ഈ വാര്‍ത്ത. തിരുവനന്തപുരം-കോഴിക്കോട് വിമാന യാത്ര 2300 രൂപക്ക് 55 മിനിട്ടുകൊണ്ട് സാധ്യമാകും. ദോഹയില്‍ നിന്ന് പുറപ്പെടുന്ന വിമാനം യാത്രക്കാരെ കോഴിക്കോട് ഇറക്കിയതിനുശേഷമായിരിക്കും തിരുവനന്തപുരത്തേയ്ക്ക് പോകുക. ദോഹയില്‍ നിന്നും 2.30 ന് പുറപ്പെടുന്ന എയര്‍ ഇന്ത്യാ എക്‌സ്പ്രസ് രാത്രി 9.10ന് കോഴിക്കോട്ടത്തെും. തിരുവനന്തപുരത്ത് രാത്രി 11.45 നാണ് എത്തുക. പിറ്റെദിവസം രാവിലെ ഏഴിന് കോഴിക്കോട് വഴിയുള്ള തിരുവനന്തപുരം-ദോഹ വിമാനം പുറപ്പെടും. കോഴിക്കോട്ട് നിന്ന് 11.40 ന് പുറപ്പെട്ട് ഉച്ചക്ക് 1.30ന് ദോഹയില്‍ എത്തുന്ന രീതിയിലാണ് സര്‍വീസിന്റെ സമയം ക്രമീകരിച്ചിരിക്കുന്നത്. ഈ തീരുമാനത്തോടെ തിരുവനന്തപുരംകോഴിക്കോട് വിമാന യാത്ര ഇനി നാട്ടിലുള്ളവര്‍ക്കും സാധ്യമാകും