സൗദിയില് നിക്ഷേപകര്ക്കുള്ള ബിസിനസ് വിസിറ്റ് വിസ 24 മണിക്കൂറിനകം
സൗദി വിഷന് 2030-ന്റെ ഭാഗമായി നിക്ഷേപകരെ സൗദിയിലേക്ക് ആകര്ഷിക്കാനുള്ള ശ്രമങ്ങള് തുടങ്ങികഴിഞ്ഞു. പെട്രോളിതര വരുമാനം വര്ധിപ്പിക്കാനും വിദേശ നിക്ഷേപകരെ സൗദിയിലേക്കാകര്ഷിക്കാനും വേണ്ടിയാണ് 30 ദിവസത്തിനകം നല്കിയിരുന്ന ബിസിനസ്സ് വിസ 24 മണിക്കൂറിനകം നല്കുന്നതിനുളള ഓണ്ലൈന് സംവിധാനം സൗധി അധികൃതര് പുതുവര്ഷത്തില് തന്നെ പ്രാബല്യത്തില് കൊണ്ടുവന്നത്. വിദേശ നിക്ഷേപകര്ക്ക് ബിസിനസ് വിസിറ്റ് വിസ അനുവദിക്കുന്നത് മൂന്നാ ഗണത്തിലായാണ്. സൗദിയില് വാണിജ്യ സംരംഭമുള്ള വിദേശികള്ക്കുള്ള സന്ദര്ശന വിസ, ബിസിനസ് പ്രമുഖര്ക്കുള്ള സന്ദര്ശന വിസ, വാണിജ്യ നിവേദക സംഘങ്ങള്ക്കുള്ള സന്ദര്ശന വിസ എന്നീ ഗണത്തിലാണ് 24 മണിക്കൂറിനകം വിദേശകാര്യ മന്ത്രാലയം ഓണ്ലൈന് വിസ നല്കുന്നത്. വിദേശകാര്യ മന്ത്രാലയത്തിന് പുറമെ വാണിജ്യം, ആഭ്യന്തരം, തൊഴില്, സാമൂഹിക ക്ഷേമം എന്നീ മന്ത്രാലയങ്ങളും സൗദി ജനറല് ഇന്വെസ്റ്റ്മെന്റ് അതോറിറ്റിയും സൗദി ചേംബറുകളും ചേര്ന്നാണ് വിദേശ നിക്ഷേപം ആകര്ഷിക്കാനുള്ള പദ്ധതികള് ആസൂത്രണം ചെയ്തിട്ടുള്ളത്. ഓണ്ലൈന് സന്ദര്ശന വിസയുടെ ഏറ്റവും വലിയ പ്രത്യേകത ചേംബര് അറ്റസ്റ്റേഷന് അവശ്യമില്ല എന്നുളളതാണ്.
https://www.facebook.com/Malayalivartha