റിപ്പബ്ലിക് ദിന പരേഡില്‍ ഇന്ത്യന്‍ സൈനികര്‍ക്കൊപ്പം ഈ വര്‍ഷം യു.എ.ഇ സൈന്യവും പങ്കെടുക്കും. ഒരു അറബ് സൈന്യം ഇന്ത്യയില്‍ പരേഡ് നടത്തുന്നത് ഇത് ആദ്യമായിട്ടാണ്. ചടങ്ങിലെ മുഖ്യാതിഥി യു.എ.ഇ രാജകുമാരന്‍ ശൈഖ് മുഹമ്മദ് ബിന്‍ സായിദ് അല്‍ നഹ്യാനാണ്. 2016-ലെ റിപ്പബഌക് ദിന പരേഡില്‍ ഇന്ത്യന്‍ സൈന്യത്തിനൊപ്പം ഫ്രഞ്ച സൈന്യവും അണിനിരന്നിരുന്നു. ഫ്രഞ്ച് പ്രസിഡന്റ് ഫ്രാന്‍സോ ഒലാദായിരുന്നു മുഖ്യാതിഥി കഴിഞ്ഞവര്‍ഷത്തെ മുഖ്യാതിഥി. ഇരു രാജ്യങ്ങളും തമ്മിലുള്ള നയതന്ത്ര ബന്ധം നവീകരിക്കുന്നതിനും കൂടുതല്‍ ദൃഢമാക്കുന്നതിനും യു.എ.ഇ രാജകുമാരന്റെ സന്ദര്‍ശനം സഹായകരമാകും. ജനുവരി 20 ന് കേന്ദ്ര വിദേശകാര്യ സഹമന്ത്രി എം.ജെ.അക്ബറും യു.എ.ഇ വിദേശകാര്യമന്ത്രി അന്‍വര്‍ മുഹമ്മദ് ഗാരെഗാഷും നയതന്ത്ര ചര്‍ച്ച നടത്തുന്നുണ്ട്. രാജ്യാന്തര പ്രാദേശിക പ്രശ്‌നങ്ങളും ഇരു രാജ്യങ്ങളും നേരിടുന്ന സുരക്ഷാ വെല്ലുവിളികളും ഭീകരവാദ ഭീഷണികളും ചര്‍ച്ചയില്‍ വിഷയമാകും.