പ്രിയപ്പെട്ടവര്ക്കൊപ്പം ആകാശത്തിരുന്ന് അത്താഴം കഴിക്കാം
നിങ്ങള്ക്ക് മനക്കരുത്തുണ്ടോ? എങ്കില് ദുബായ് ഇന്റര്നാഷണല് മറൈന് ക്ലബിലേയ്ക്ക് വരൂ. പ്രിയപ്പെട്ടവര്ക്കൊപ്പം ആകാശത്തിരുന്ന് ഇഷ്ടഭക്ഷണം കഴിക്കാം. രുചികരമായ ഭക്ഷണത്തോടൊപ്പം ഇതുവരെ നിങ്ങള് കാണാത്ത നഗരക്കാഴ്ചകളും മതിയാവോളം ആസ്വദിക്കാം. ദുബായ് നഗരം മുഴുവന് നിങ്ങളുടെ കാല്ക്കീഴിലാവും. 'ഡിന്നര് ഇന് ദ സ്കൈ' എന്ന പ്രശസ്തമായ പരിപാടിയാണ് ദുബായില് എത്തിയിരിക്കുന്നത്. താല്ക്കാലിക റസ്റ്ററന്റ് വലിയ ക്രെയിന് ഉപയോഗിച്ച് അമ്പതു മീറ്റര് ഉയരത്തിലേക്ക് (160 അടി) ഉയര്ത്തി ഭക്ഷണം വിളമ്പുന്ന ആശയമാണ് 'ഡിന്നര് ഇന് ദ സ്കൈ'. അതിഥികള്ക്ക കനത്ത സുരക്ഷാസംവിധനങ്ങള് ഇവിടെ ഒരുക്കിയിട്ടുണ്ട്. അതിഥികളെ ബക്കറ്റ് സീറ്റുകളില് ബെല്റ്റ് ഉപയോഗിച്ച് ബന്ധിപ്പിക്കും. തുടര്ന്ന് മുമ്പു തയാറാക്കിയ വിഭവങ്ങളും വിളമ്പുകാരും ഉള്പ്പെടെ മെല്ലെ റസ്റ്റൊറന്റ് ഉയര്ത്തും. ലോകോത്തര നിലവാരത്തിലുള്ള ഭക്ഷണമാണ് ഇവിടെ വിളമ്പുന്നത്. ഭക്ഷണത്തിന്റെ വില 499 ദിര്ഹം മുതല് 799 ദിര്ഹം വരെയാണ.് ബെല്ജിയത്തിലാണ് 'ഡിന്നര് ഇന് ദ സ്കൈ' എന്ന ആശയം ഉടലെടുത്തത്. ഈ ആശയം പിന്നീട് ലോകമെങ്ങും വ്യാപിക്കുകയായിരുന്നു. കുലാലംപൂര് ടവര്, റോമിലെ വില്ലാ ബോര്ഗീസ്, ഏതന്സ്, കൊപ്പകബാന ബീച്ച്, കേപ്പ് ടൗണ് എന്നിവിടങ്ങളില് ഏറെ പ്രശസ്തമായി 'ഡിന്നര് ഇന് ദ സ്കൈ' പ്രവര്ത്തിക്കുന്നുണ്ട്. പുതിയ അനുഭവത്തിനായി www.dinnerinthesky.ae എന്ന വെബ്സൈറ്റില് ബുക്ക് ചെയ്യാം.
https://www.facebook.com/Malayalivartha
