സ്പോണ്‍സറുടെ (ഖഫീല്‍) മകളെ കടന്നുപിടിച്ചു ചുംബിച്ചെന്ന് ആരോപിച്ച് ഇന്ത്യക്കാരനായ യുവാവിനെതിരെ പരാതി. ദുബായ് സ്വദേശിനിയായ 22കാരിയുടെ പരാതിയില്‍ ദുബായ് പോലീസ് ഇയാള്‍ക്കെതിരെ കേസെടുത്തിട്ടുണ്ട്. 24 വയസുള്ള ഇന്ത്യക്കാരനായ യുവാവിനെതിരെയാണ് പരാതിയെന്ന് മാത്രമാണ് വിവരം ലഭിച്ചിട്ടുള്ളത്.

പിതാവിന്റെ കമ്പനിയില്‍ ജോലി ചെയ്യുന്ന യുവാവിനെതിരെയാണ് യുവതി പരാതി നല്‍കിയിരിക്കുന്നത്. അറബിയുടെ കമ്പനിയില്‍ ജോലി ചെയ്യുന്ന യുവാവ് വീട് വൃത്തിയാക്കാനാണ് സ്പോണ്‍സറുടെ വീട്ടിലെത്തിയത്. ഇതിനിടെയാണ് യുവാവ് തന്നെ കടന്നു പിടിക്കുകയും ചുണ്ടുകളില്‍ ചുംബിച്ചതായും യുവതി ആരോപിക്കുന്നത്.

24കാരനായ ഇന്ത്യന്‍ പൗരനായ യുവാവ് ദുബായില്‍ അറബിയുടെ ഉടമസ്ഥതയിലുള്ള കമ്പനിയിലാണ് ജോലി ചെയ്യുന്നത്. ഇതിനിടെ ഇയാളെ സ്പോണ്‍സറുടെ വീട് വൃത്തിയാക്കാനായി ഏല്‍പ്പിച്ചിരുന്നു. ഇതിനായാണ് യുവാവ് സ്പോണ്‍സറായ അറബിയുടെ വീട്ടിലെത്തിയത്.

മാതാവിനൊപ്പം പുറത്തിറങ്ങിയ യുവാവ് പിന്നീട് തിരികെയെത്തുകയും കുടിക്കാന്‍ വെള്ളം ആവശ്യപ്പെടുകയും ചെയ്തു. സ്പോണ്‍സറുടെ മകളായ യുവതി ഇയാള്‍ക്ക് വെള്ളം നല്‍കി. ഇതിനിടയിലാണ് യുവാവ് സ്പോണ്‍സറുടെ മകളെ കടന്നുപിടിക്കുകയും ബലമായി ഉമ്മവെയ്ക്കുകയും ചെയ്തത്.

സ്പോണ്‍സറുടെ മകളുടെ പരാതിയില്‍ ഇന്ത്യക്കാരനായ യുവാവിനെതിരെ പോലീസ് കേസെടുത്തിട്ടുണ്ട്. അന്വേഷണവും വിചാരണയും പൂര്‍ത്തിയായി കുറ്റം തെളിഞ്ഞാല്‍ ഇയാള്‍ക്ക് കടുത്ത ശിക്ഷയാകും ലഭിക്കുക.