നിലവിലെ സ്കൂൾ കെട്ടിടത്തിൽ നിന്നും കുട്ടികളെ മാറ്റാൻ നീക്കം ; തോമസ് ചാണ്ടിയുടെ ഉടമസ്ഥതയിലുള്ള കുവൈത്തിലെ സ്കൂളില് രക്ഷിതാക്കളുടെ പ്രതിഷേധം
മുന് ഗതാഗത മന്ത്രി തോമസ് ചാണ്ടിയുടെ ഉടമസ്ഥതയിലുള്ള കുവൈത്തിലെ സ്കൂളില് രക്ഷിതാക്കളുടെ പ്രതിഷേധം. അബാസിയയിലുള്ള സ്കൂളില് നിന്നും കുട്ടികളെ ഹസാവിയിലെ പുതിയ കെട്ടിടത്തിലേക്ക് മാറ്റാനുള്ള നീക്കത്തിനെതിരെയാണ് രക്ഷിതാക്കളുടെ പ്രതിഷേധം. യുണൈറ്റഡ് ഇന്ത്യന് സ്കൂളിലെ 9 , 10 ക്ലാസുകളിലെ വിദ്യാര്ത്ഥികളെയാണ് ഹസാവിയിലെ പുതിയ കെട്ടിടത്തിലേക്ക് മാറ്റാനായിരുന്നു തീരുമാനം. ഒടുവിൽ പ്രതിഷേധത്തെത്തുടർന്ന് തീരുമാനം പിൻവലിച്ചു.
കഴിഞ്ഞ മാസം 28 നാണ് ഇതേതുടർന്ന് മാനേജ്മന്റ് സർക്കുലർ പുറത്തിറക്കിയത്. എന്നാൽ ഹസാവി സാമൂഹ്യവിരുദ്ധരുടെ താവളമാണെന്നായിരുന്നു രക്ഷിതാക്കളുടെ പരാതി. പുതിയ അധ്യയന വര്ഷം തുടങ്ങാന് ദിവസങ്ങള് മാത്രം ബാക്കിനില്ക്കെയാണ് രക്ഷിതാക്കളോട് പോലും ആലോചിക്കാതെ വിദ്യാര്ത്ഥികളെ പുതിയ സ്കൂളിലേക്ക് മാറ്റാന് നീക്കം നടത്തിയത്. എന്നാല് വ്യത്തിഹീനമായ ചുറ്റുപാടും, പ്രവര്ത്തി ദിവസങ്ങളില് ഗതാഗത കുരുക്കും അനുഭവപ്പെടുന്ന ഹസാവി പ്രദേശത്ത് വിദ്യാര്ത്ഥികളെ മാറ്റാന് ഒരുക്കമല്ലെന്ന നിലപാടില് രക്ഷിതാക്കള് ഉറച്ചു നിന്നതോടെ തോമസ് ചാണ്ടി തീരുമാനം മാറ്റുകയായിരുന്നു.
https://www.facebook.com/Malayalivartha