തിരുവനന്തപുരം തുമ്പ സെന്റ് സേവ്യേഴ്സ് കോളേജിൽ നടന്ന ‘ക്രൗൺ ഓഫ് കേരള 2026’ മത്സരത്തിൽ ടീനേജ് വിഭാഗത്തിലെ ടൈറ്റിൽ വിന്നർ സ്ഥാനം കരസ്ഥമാക്കി 15-കാരനായ അജ്മൽ . തോന്നയ്ക്കൽ ബ്ലൂമൺ പബ്ലിക് സ്കൂളിലെ 9-ാം ക്ലാസ് വിദ്യാർത്ഥിയാണ് അജ്മൽ. ചിറയിൻകീഴ് സ്വദേശികളായ സമീറയുടെയും നസിമിന്റെയും മകനാണ്.

ചെറുപ്രായത്തിൽ നേടിയ ഈ നേട്ടം കുടുംബത്തിനും വിദ്യാലയത്തിനും അഭിമാനമായി മാറി. ഫാഷൻ, മോഡലിങ് മേഖലകളിൽ കഴിവ് തെളിയിക്കാൻ പിന്തുണയും പ്രോത്സാഹനവും നൽകിയത് പിക്സ്ലം ഫാഷൻ മോഡലാണെന്നും മാർഗനിർദേശങ്ങൾ നൽകിയത് അധ്യാപകൻ ബ്ലെസ്സൻ ആണെന്നും അജ്മൽ പ്രതികരിച്ചു.

കേരളത്തിന്റെ ഫാഷൻ, മോഡലിംഗ് രംഗത്തെ പ്രതിഭകളെ ഒരേ വേദിയിൽ അണിനിരത്തിയായിരുന്നു ‘ക്രൗൺ ഓഫ് കേരള സീസൺ സംഘടിപ്പിച്ചത്. സൗന്ദര്യമത്സരവും, ഡിസൈനർ പ്രദർശനവും ഉൾപ്പെടുന്ന ഫാഷൻ പരിപാടിയിൽ വിവിധ വിഭാഗങ്ങളിലുള്ള മോഡലുകളും ഡിസൈനർമാരും പങ്കെടുത്തു

കേരളത്തിന്റെ ഫാഷൻ പൈതൃകവും പുതുതലമുറയുടെ സൃഷ്ടിപരമായ കഴിവുകളും ഒരേ വേദിയിൽ അവതരിപ്പിക്കുകയായിരുന്നു ഈ സംരംഭത്തിന്റെ ലക്ഷ്യം. ഷോ ഡയറക്ടറും മോഡലും കൊറിയോഗ്രാഫറുമായ ഋതു സാരംഗിയും, മോഡൽ, ഡിസൈനർ, നടൻ, കൊറിയോഗ്രാഫർ എന്നീ നിലകൾ വഹിക്കുന്ന ഷമീർ ബിൻ കരീമും ചേർന്ന് മത്സരാർത്ഥികൾക്ക് മികച്ച പരിശീലനം നൽകി.