മാര് ജോര്ജ് ആലഞ്ചേരിക്ക് റ്റാമ്പയില് സ്വീകരണം നല്കി
സീറോ മലബാര് സഭയുടെ മേജര് ആര്ച്ചുബിഷപ്പായി സ്ഥാനമേറ്റശേഷം ആദ്യമായി റ്റാമ്പ സേക്രഡ്ഹാര്ട്ട് ക്നാനായ കത്തോലിക്കാ ദേവാലയത്തില് എത്തിയ മാര് ജോര്ജ് ആലഞ്ചേരിക്കും സെന്റ് തോമസ് സീറോ മലബാര് രൂപതാധ്യക്ഷന് മാര് ജേക്കബ് അങ്ങാടിയത്തിനും സീറോ മലബാര് സഭാചാന്സലര് ഫാ.ആന്റണി കൊള്ളന്നൂരിനും ഫാ.പത്രോസ് ചമ്പക്കരയും ഇടവകാംഗങ്ങളും ചേര്ന്ന് സ്വീകരണം നല്കി.
ദേവാലയത്തില് നടന്ന ബലിതര്പ്പണത്തിന് ശ്രേഷ്ഠ മെത്രാപ്പൊലീത്ത മുഖ്യകാര്മ്മികത്വം വഹിച്ചു. മാര് ജേക്കബ് അങ്ങാടിയത്ത്, ഫാ.ആന്റണി തൈക്കാനത്ത്, ഫാ.പത്രോസ് ചമ്പക്കര എന്നിവര് സഹകാര്മ്മികരായിരുന്നു.
തുടര്ന്ന് നടന്ന പൊതുസമ്മേളനത്തിന് ഫാ.പത്രോസ് ചമ്പക്കര സ്വാഗതവും ബിഷപ്പ് മാര് ജേക്കബ് അങ്ങാടിയത്ത് അനുഗ്രഹപ്രഭാഷണവും നടത്തി. ട്രസ്റ്റി സിറിള് ചാഴിക്കാട്ട് നന്ദിരേഖപ്പെടുത്തി. സെക്രട്ടറി സ്റ്റീഫന് തൊട്ടിയിലായിരുന്നു സമ്മേളനത്തിന്റെ മാസ്റ്റര് ഓഫ് സെറിമണി.സ്നേഹവിരുന്നോടെ ചടങ്ങുകള് സമാപിച്ചു.
ജോസ്മോന് തത്തംകുളം.
https://www.facebook.com/Malayalivartha
