ഫോമാ കണ്‍വന്‍ഷന്‍: കേരളോത്സവം ജൂണ്‍ 27-ന്
ഫോമയുടെ നാലാമത് അന്തര്‍ദേശീയ കണ്‍വന്‍ഷനോടനുബന്ധിച്ചുള്ള 'കേരളോത്സവം' എന്ന ഘോഷയാത്ര ജൂണ്‍ 27-ന് വെള്ളിയാഴ്ച വൈകുന്നേരം 5 മണിക്ക് വാലിഫോര്‍ജ് കണ്‍വന്‍ഷന്‍ സെന്ററില്‍ നടക്കും. കണ്‍വന്‍ഷനിലെ ഏറ്റവും ആകര്‍ഷകമായ കേരളോത്സവത്തിലെ അവസാനവട്ട ഒരുക്കങ്ങള്‍ പൂര്‍ത്തായായി വരുന്നു.
മുത്തുക്കുടകളുടേയും വാദ്യമേളങ്ങളുടേയും അകമ്പടിയോടെയുള്ള ഘോഷയാത്രയില്‍ കേരളത്തിലെ തനത് കലാരൂപങ്ങളുടെ പ്രകടനം മാറ്റ് കൂട്ടും. കഥകളി, കാവടി, തിരുവാതിര, മോഹിനിയാട്ടം എന്നിവയുടെ സംഗമം വേറിട്ടൊരു അനുഭവമായിരിക്കും.
മുന്‍കാല കണ്‍വന്‍ഷനുകളെ അപേക്ഷിച്ച് ഇക്കുറി പരിചമുട്ട് കളിയും മാര്‍ഗ്ഗംകളിയും, അമ്മന്‍കുടവും ഉള്‍പ്പെടുത്താനായത് കാണികള്‍ക്ക് ഒരു വ്യത്യസ്ത അനുഭവമായിരിക്കും. നൂറോളം പേര് ഉള്‍പ്പെടുന്ന കലാകാരന്മാര്‍ കഴിവ് തെളിയിച്ചവരും പ്രൊഫണല്‍ രംഗത്തുള്ളവരുമാണെന്നതാണ് ഇപ്രാവാശ്യത്തെ പ്രത്യേകത.
https://www.facebook.com/Malayalivartha
