ഡോവര് സെന്റ്തോമസില് പെരുന്നാള്
ഇന്ത്യയുടെ കാവല് പിതാവായ മാര്ത്തോമ്മാശ്ലീഹായുടെ നാമധേയത്തിലുള്ള ഡോവര് സെന്റ് തോമസ് ഓര്ത്തഡോക്സ് ഇടവകയുടെ പെരുന്നാള് ജൂലായ് 11,12 തീയതികളിലായി നടത്തപ്പെടുന്നു. തിരുവനന്തപുരം ഭദ്രാസന അധ്യക്ഷന് ഡോ.ഗബ്രിയേല് മാര് ഗ്രിഗോറിയോസ് മെത്രാപ്പൊലീത്തയുടെ പ്രധാന കാര്മ്മികത്വത്തിലാണ് പെരുന്നാള് ശുശ്രൂഷകളും ചടങ്ങുകളും നടക്കുന്നത്. വെള്ളിയാഴ്ച വൈകീട്ട് നമസ്കാരത്തെത്തുടര്ന്ന് മാര് ഗ്രിഗോറിയോസ് മെത്രാപ്പൊലീത്ത ആത്മീയ പ്രഭാഷണം നടത്തും. പിന്നീട് പ്രശസ്ത ഡിവോഷണല് ഗായകന് ഐഡിയ സ്റ്റാര് സിംഗര് ഫെയിം ഇമ്മാനുവേല് ഹെന്ററി ഗാനങ്ങള് ആലപിക്കും.
ശനിയാഴ്ച രാവിലെ 8.30 ന് നമസ്കാരത്തെത്തുടര്ന്ന് വി.കുര്ബാന. വീഥി ചുറ്റിയുള്ള റാസയ്ക്കും ആശീര്വാദത്തിനും ശേഷം വിദ്യാരംഭവും ക്രമീകരിച്ചിട്ടുണ്ട്. ആദ്യമായി സ്കൂളില് പോകുന്ന കുഞ്ഞുങ്ങളുടെ എഴുത്തിനിരുത്തിന് മാര് ഗ്രിഗോറിയോസ് നേതൃത്വം നല്കും.
വികാരി ഫാ.ഷിബു ഡാനിയേല്, കോര കുരുവിള, റോസ്ലിന് ഡാനിയേല്, ബെനോ ജോഷ്വ എന്നിവരുടെ നേതൃത്വത്തിലുള്ള കമ്മിറ്റി പെരുന്നാള് ക്രമീകരണങ്ങള്ക്ക് നേതൃത്വം നല്കും.
https://www.facebook.com/Malayalivartha
